Ազավրեթից Բուռնաշեթ աշակերտների տեղափոխման հարցը դեռ լուծված չէ: Չնայած այն հանգամանքին, որ վարորդները դժգոհ են ֆինանսավորման ձգձգումից, փոխադրումը դեռ շարունակվում է:

Ազավրեթ գյուղի դպրոցի վթարային իրավիճակի պատճառով այն հիմնանորոգվելու է: Այդ ժամանակահատվածում Ազավրեթ գյուղի դպրոցի աշակերտները երկրորդ հերթափոխով պիտի հաճախեն Բուռնաշեթի դպրոց: Գրեթե մեկ ամիս է, դպրոցի տնօրեն Սլավիկ Եղիազարյանի խնդրանքով, գյուղի վարորդները տեղափոխում են երեխաներին, սակայն տեղափոխման ֆինանսական հարցերը դեռ լուծված չեն, վարորդները չգիտեն, թե ինչ սակագնով են վճարվելու 1 կմ-ի դիմաց:

Մոտ մեկ շաբաթ առաջ նրանք սպառնացել էին դադարեցնել փոխադրումը, մինչև չվճարվեն, չպարզեն փոխադրման սակագինը և չկնքեն պայմանագիրը:

«Ես նորից խնդրեցի նրանց, և իրենց երեխաների համար, նրանք շարունակում են փոխադրել: Ինձ ասացին, որ գումարը փոխանցվել է, մնում է կնքել պայմանագրերը», – ասաց Ազավրեթ գյուղի հանրային դպրոցի տնօրեն Սլավիկ Եղիազարյանը:

Ախալքալաքի մունիցիպալիտետի կրթության, մշակույթի, սպորտի եւ երիտասարդության հարցերի ծառայության պետ Վալերի Ստելմաշովը նշեց, որ կոնկրետ ոչ ոք մեղավոր չէ այս հարցում, պարզապես համակարգն է այսպիսին:

«Գումար հատկացնելու համար հարկավոր է մի քանի ատյան անցնել, ընթացակարգը սկսվել է ուշ, անհրաժեշտ էր ավելի շուտ սկսել», – ասաց նա:

Տարվա ընթացքում Ազավրեթ գյուղի առաջինից 12-րդ դասարանների բոլոր դպրոցականների տեղափոխման համար կրթության նախարարությունը հատկացրել է 16 800 լարի: Հաշվարկը կատարվել է 1 կմ – 3,20 լարի հաշվարկով: Ազավրեթ և Բուռնաշեթ գյուղերի կենտրոնից կենտրոն միջև հեռավորությունը 2,500 կմ է:

Ազավրեթ գյուղի դպրոցն ունի 168 աշակերտ: Ազավրեթի դպրոցի 5-րդ դասարանից բարձր աշակերտներին, դպրոցում կատարվող վերանորոգման պատճառով, Վրաստանի կրթության նախարարությունը, որպես բացառություն, թույլատրել է հեռավար դասեր անցկացնել: Իսկ 1-ից 4 դասարանների աշակերտները, որոնք ընդհանուր առմամբ 40 հոգի են, երկրորդ հերթափոխով դպրոց են հաճախելու Բուռնաշեթ գյուղում:

Ազավրեթում դասերն ընթանում են էքստրեմալ պայմաններում

Ազավրեթ գյուղի դպրոցի տանիքը փլվում է

Ծնողներն անվտանգ դպրոց են պահանջում

Պատգամավոր․ Ազավրեթի դպրոցի շենքի խնդիրը կլուծվի այս տարի

Փորձագետները չօգնեցին Ազավրեթ գյուղի դպրոցի հարցում

Ազավրեթի աշակերտները ժամանակավորապես դպրոց կգնան Բուռնաշեթ գյուղ