Անցած գիշեր «Օբյեկտիվի» մեդիա միավորման եթերում «Նամդվիլի ամբեբի» (թարգմանաբար՝ «Իրական լուրեր») լրատվական ծրագրի եթերում, ցույց են տվել նոր կադրեր՝ խորհրդարանի նախկին պատգամավոր Սամվել Պետրոսյանի և ներկայիս պատգամավոր Հենզել Մկոյանի միջև տեղի ունեցած փոխհրաձգությունից: Նոր կադրերում երևում է, երբ՝ Մկոյանի եղբորորդին, որը մեղադրվում է խուլիգանության և զենք օգտագործելու մեջ, ատրճանակից կրակ է արձակում:
«Օբյեկտիվի» ալիքով ցուցադրված նոր կադրերը վերահսկողության տեսախցիկներով ֆիքսվել են մարտի 26-ին, ժամը 15:30-ի սահմաններում, կադրերի ռակուրսից, կարելի է ենթադրել, որ վերահսկողության տեսախցիկների բոլոր կադրերը Հենզել Մկոյանի տան շուրջ են:
Նախկինում հրապարակվել էին կադրեր ընդամենը մեկ ռակուրսից:
Կադրեր Պետրոսյանի և Մկոյանի միջև տեղի ունեցած փոխհրաձգությունից
«Օբյեկտիվի» ռեպորտաժում ասվում է, որ Հենզել Մկոյանը, որը երևում է, թե ինչպես է նպատակաուղղված կրակ արձակում Պետրոսյանի ուղղությամբ, հարցաքննվել է միայն որպես վկա, և որ Մկոյանները նպաստում են, որ քննությունը կողմնակալ լինի, ինչպես նաև կան փաստերը կեղծելու ապացույցներ: Լրագրողը հավելում է, որ «մի ամբողջ կառավարություն ուղղահայաց ներգրավված է այս գործում»:
Ռեպորտաժում ասվում է՝ զենքը, որը տեսանելի է կադրերում, Հենզել Մկոյանի եղբորորդու՝ Արմեն Մկոյանի ձեռքին է (կադրերում զենքը փոխանցում է երրորդ անձը), գործի դա չկա, իսկ այն զենքը, որն իրականում չի օգտագործվել միջադեպի ընթացքում, դա հրազեն չէ, և, ըստ փորձաքննության, այն փչացած է, և ֆիզիկապես հնարավոր չէ դրանից կրակել:
Ռեպորտաժում նաև հաղորդվում է, որ գործում շրջանառվում է 4 զենք, սակայն հանցագործության վայրում հայտնաբերված որոշ փամփուշտներ չեն համապատասխանում այս 4 զենքերից որևէ մեկին: «Նամդվիլի Ամբեբին» դիմել է նաև Պետրոսյանի փաստաբան Դավիթ Ձնելաձեին, ով պնդում է, որ «Opel» մակնիշի մեքենայի բեռնախցիկից հանված փամփուշտը (միջադեպի ընթացքում, ըստ երևույթին, անցնում էր), արձակվել է հենց այն վայրից, որտեղից կրակ է արձակել Արմեն Մկոյանը:
Ռեպորտաժի վերջում եզրակացվում է, որ եթե դատավարությունը երկարաձգվի, Սամվել Պետրոսյանը չի կարողանա մասնակցել խորհրդարանական ընտրություններին «Հայրենասերների դաշինքի» կողմից, և այդպիսով Մկոյանն ավելի մեծ շանս կունենա՝ պատգամավորի կարգավիճակը պահպանելու:
Նշենք, որ մարտի 26-ի կեսօրին, ժամը 15:28-ից հետո, «Gold» սրճարանի դիմաց, որը պատկանում է Պետրոսյանին, տեղի է ունեցել ընդհարում Պետրոսյանի և Մկոյանի հարազատների միջև: Ընդհարումը կարճ է տևել և արագ ավարտվել: Եվ, երբ բոլորը կարծես հանգստացել են և կողմերը ցրվել, այդ ժամանակ տեղի է ունեցել փոխհրաձգություն՝ «Վրացական երազանք»-ի գործող պատգամավոր Հենզել Մկոյանի և «Ազգային շարժման» նախկին պատգամավոր Սամվել Պետրոսյանի միջև: Ինչի հետևանքով ձերբակալել են Վրաստանի խորհրդարանի նախկին և Ախալքալաքի Սակրեբուլոյի ներկայիս պատգամավոր Սամվել Պետրոսյանին, ինչպես նաև Խորհրդարանի պատգամավոր Հենզել Մկոյանի եղբորորդուն:
Երկու մեղադրյալների նկատմամբ էլ Ախալցիխեի դատարանը որպես խափանման միջոց է կիրառել ազատազրկումը:
Դրանից հետո, ինչպես Պետրոսյանը, այնպես էլ Մկոյանը դժգոհություն են հայտնել քննության ընթացքի վերաբերյալ:
Պետրոսյանի կողմը պնդում է, որ Մկոյանը չպետք է գործի մեջ ներգրավվի որպես վկա, այլ որպես կողմ, քանի որ կրակել է Պետրոսյանի վրա: Նմանատիպ հայտարարություն է արվել՝ ինչպես «Միասնական ազգային շարժում», այնպես էլ «Վրաստանի հայրենասերների դաշինք» կուսակցությունները:
Իր հերթին, Հենզել Մկոյանը հանդես է եկել հայտարարությամբ, որ Պետրոսյանին չեն դատում նրա համար, ինչը իրականում նա կատարել է, և որ նրան պետք է դատապարտեն «սպանության փորձի» համար: Մկոյանին սատարել է նաև «Վրացական երազանք» կուսակցության առաջնորդներից Իրակլի Կոբախիձեն՝ ասելով, որ Մկոյանը պաշտպանել է իրեն և որևէ հիմք չկա նրան պատասխանատվության ենթարկելու:
Արդյունքում՝ խուլիգանության և զենքի օգտագործման գործով դատավարությունը շարունակվում է, մինչև հիմա անցկացվել է միայն խափանման միջոց ընտրելու դատական նիստը:
Մինչդեռ, Ախալքալաքում մեղադրյալներին աջակցելու համար ստորագրահավաք է ընթանում:
Պետրոսյան vs Մկոյան. Փոխհրաձգությունից մինչև ստորագրահավաքի պայքար
Ստորագրահավաք՝ Հենզել Մկոյանին պատգամավորական մանդատից զրկելու համար
