Ախալքալաքի Գեղարվեստի դպրոցի շենքի ճակատային մասը տեղ-տեղ փլուզվել է, չնայած այն հանգամանքին, որ այն վերանորոգվել է 2021-2023 թթ.՝ կառավարության «Թարմացված մունիցիպալիտետներ» ծրագրի շրջանակներում:
2021 թվականի հունիսին Ախալքալաքի մունիցիպալիտետում սկսել է գլխավոր փողոցի և քաղաքապետարանի դիմացի հրապարակի 4 շենքերի ճակատային մասերի վերանորոգումը, 4 շենքերից վերանորոգվել է Ախալքալաքի Գեղարվեստի դպրոցի ճակատը։ Սակայն այս տարվա գարնանից վերանորոգված ճակատային մասը սկսվել է քանդվել։
2021-2023 թվականներին Ախալքալաքի կենտրոնը վերականգնվել է «Թարմացված մունիցիպալիտետներ» ծրագրի շրջանակներում։ Առաջին շենքերի թվում, որտեղ սկսվել են ֆասադային աշխատանքները, եղել է Ախալքալաքի Գեղարվեստի դպրոցի հին շենքը։ Այնուամենայնիվ, այսօր ճակատային մասը «նիհարել է» տեղ-տեղ մինչև մեկուսիչ շերտը և դրանից այն կողմ։
Այդ աշխատանքները չեն իրականացվել տեղական իշխանությունների կողմից հայտարարված մրցույթի համաձայն և չեն վերահսկվել նրանց կողմից։
«Կարող է լինել խոնավությունից, երևի այլ պատճառներ են եղել: Այս մրցույթը մեզ անմիջականորեն չի վերաբերում, և կարող է լինել երաշխիք: Մենք կարող ենք դեֆեկտավորում անել, և կարող ենք դիմել նրանց, որ նրանք դա շտկեն»,- ասում է Ախալքալաքի մունիցիպալիտետի քաղաքապետարանի ենթակառուցվածքների, ճարտարապետության և շինարարության ծառայության պետը։
«Թարմացված մունիցիպալիտետներ» ծրագրի շրջանակներում կենտրոնի վերականգնման հետ կապված ամեն ինչ իրականացվել է Վրաստանի ենթակառուցվածքների նախարարության կողմից, թե արդյոք այդ աշխատանքներն ընդունվել են, և կոնկրետ ով է վերահսկել այս նախագիծը, Jnews-ը դեռ չի կարողացել պարզաբանել այս հարցերի պատասխանները։
