Հացաբուլկեղենի արտադրողներին առաջարկվել է հացը խանութներ առաքել միայն փակ փաթեթներով: Այս մասին «Իմեդի» հեռուստաալիքի եթերում ասել է Սպառողների ֆեդերացիայի ղեկավար Մադոննա Կոիձեն:
Սպառողների ֆեդերացիան և Սննդի ազգային գործակալությունն արդեն փաթեթավորման մասին հրահանգներ են ուղարկել բոլոր ցանցերի խանութներին, հիպերմարկետներին և արտադրողներին: Կոիձեն ընդգծել է, որ այդ հանձնարարականները տրվել են նոր կորոնավիրուսի տարածումը կանխելու ուղղությամբ ձեռնարկված միջոցառումների հիման վրա:
«Սննդամթերքն ընտրելիս մարդիկ շոշափում են այն, իսկ մյուսները այն հետո գնում են: Այժմ կարևոր է, որ բիզնես օպերատորները բարի կամք դրսևորեն և վաճառեն հացը փաթեթավորված», – ասել է Կոիձեն:
Հանձնարարականը չի վերաբերում ավանդական վրացական շոթի հացին, քանի որ գնորդներին այն տրվում է ուղղակի անմիջապես թոնրից: Բոլոր սննդի օբյեկտները, ներառյալ հացաբուլկեղենի փռերը, Սննդի ազգային գործակալությունից այլ հրահանգներ են ստացել: Դրանք վերաբերում են գույքի և սարքավորումների ախտահանման չափանիշներին, աշխատավայրի մաքրմանը, պատրաստման գործընթացին և այլն:
