Այսօր Թբիլիսիի Սուրբ Գևորգ առաջնորդանիստ եկեղեցու բակում տեղի ունեցավ արդեն ավանդական դարձած Տոլմայի փառատոնը:
Այս տարի «Տոլմա-2019» փառատոնը կրում էր «Սիրո ճաշ» անվանումը: Վրաստանի հայ կանանց «Շուշանիկ» միության նախաձեռնությամբ, Վիրահայոց թեմի առաջնորդարանի հովանավորությամբ և «Հայարտուն» կենտրոնի աջակցությամբ, Թբիլիսիի Սուրբ Գևորգ առաջնորդանիստ եկեղեցու բակում, կիրակնօրյա Սբ. Պատարագին հետևեց տարատեսակ տոլմաների համտեսը:
Չնայած թբիլիսյան շոգ ու արևոտ եղանակին, եկեղեցու բակը լի էր բազմությամբ և բոլորը համբերությամբ ու զվարճանքով էին հետևում «Տոլմա-2019» փառատոնի շրջանակներում կազմակերպված երգ ու պարին։
Համերգին հաջորդեց սպասված տոլմաների համտեսը։
Փառատոնին ներկա էին Վրաստանում ՀՀ դեսպան Ռուբեն Սադոյանը, Վիրահայոց թեմի առաջնորդ Տեր Վազգեն Եպիսկոպոս Միրզախանյանը և այլք:
Ռիմա Մառանգոզյան
