Jnews-ը ՆԳՆ Սպասարկման գործակալությունից հետաքրքրվել է՝ արդյո՞ք այն պատրաստվում է ընդլայնել իր գործունեությունն Ախալքալաքում, քանի որ այն մի օրը, երբ շարժական խումբը ժամանում է Ախալքալաք, բավարար չէ Ջավախքի բնակչությանը՝ գործակալության հետ կապված բոլոր հարցերը լուծելու համար։ Մենք ստացել ենք պատասխանը և ներկայացնում ենք այն ընթերցողի ուշադրությանը։
Ջավախքի բնակիչները, որպեսզի կարողանան օգտվել ՆԳՆ-ին կից Սպասարկման գործակալության Սպասարկման կենտրոնի ծառայություններից, պետք է սպասեն մինչև ուրբաթ, քանի որ հենց այդ օրն է Ախալքալաք ժամանում Սպասարկման կենտրոնի շարժական խումբը։ Միայն այս օրը կարող են լուծել ՆԳՆ Սպասարկման գործակալության կողմից տրամադրվող իրավունքների, մեքենաների, զենքի և այլ ծառայությունների հետ կապված բոլոր խնդիրները։ Մյուս օրերին Ջավախքի բնակիչները պետք է գնան շրջկենտրոն՝ Ախալցիխե։ Նույն պատճառով, բայց ոչ միայն, հնարավոր չէ նաև երկրորդ գործնական քննությունը հանձնել վարորդական իրավունք ստանալու համար։
Jnews-ի հարցերին ՆԳՆ-ի Սպասարկման գործակալությունից պատասխանել են հետևյալը.
«Միակ պատասխանը, որ կարող ենք տալ, այն է, որ մենք ունենք Սպասարկման կենտրոն և շարժական խումբ, ամեն ուրբաթ, ցանկության դեպքում, հնարավոր է վարորդական իրավունք ստանալու համար քննություն հանձնել վարելու, տեսական թեստ և պրակտիկա Բ կատեգորիայի համար: Բայց ինչ վերաբերում է քաղաքում վարելուն՝ դա անհնար է: Ուստի բոլորին հնարավորություն է տրվում այս քննությունը հանձնել մեկ այլ քաղաքում։ Օրինակ՝ Խաշուրին նույնպես չունի այդ հնարավորությունը, ուստի Խաշուրիի բնակիչները կարող են այս քննությունը հանձնել մեկ այլ քաղաքում։ Ինչ վերաբերում է Ախալքալաքում Սպասարկման կենտրոնի բացմանը՝ այն բացելու ծրագիր չկա, քանի որ կան շարժական կենտրոններ։ Երբ շաբաթը մեկ օր են գալիս քաղաք, ուրեմն ֆիզիկապես չեն կարող քննություններ անցկացնել (իրական պայմաններում վարելու քննություն) նաև քաղաքում, պետք է լինի հատուկ ենթակառուցվածք, քաղաքը պետք է պատրաստ լինի նմանատիպ քննությանը։
Եթե նախկինում մոտ 70 հազար բնակչություն ունեցող երկու մունիցիպալիտետների բնակիչները կարող էին գրանցվել Ախալքալաքում քննության համար, եթե հասցնում էին, և կարող էին չգնալ քննությունը հանձնելու Ախալցիխե, ապա այժմ վարորդական իրավունքի նոր քննության ներդրմամբ սա այլևս հնարավոր չէ:
Կարդացե՛ք նաև՝
Վարորդական իրավունք՝ առանց մեքենա վարել սովորելու հնարավորության
