Ինչու են Ջավախքում ավելի հաճախակի դարձել ստորգետնյա ցնցումները, որն է պատճառը։ Ներկայացնում ենք սեյսմիկ մոնիտորինգի ազգային կենտրոնի տնօրենի պարզաբանումը:
Վերջին մեկուկես ամսվա ընթացքում Ջավախքում հաճախակի են դարձել ստորգետնյա ցնցումները, երբեմն երկրաշարժերը տեղի են ունենում մի քանի օր անընդմեջ, երբեմն էլ օրը մի քանի անգամ: Հիմնականում այդ ցնցումները ուժգին չեն և բնակչության մեծամասնությունը դրանք չի նկատում:
JNEWS- ը Վրաստանի սեյսմոլոգիական մոնիտորինգի ազգային կենտրոնից ճշտել է Սամեբա գյուղի մոտակայքում հաճախակի տեղի ունեցող երկրաշարժերի պատճառները:
«Ջավախքի համար ոչ մի առանձնահատուկ բան չկա, սա Կովկասի և Վրաստանի ամենաակտիվ շրջաններից է, ուստի սեյսմիկ ակտիվության աճ գրանցվել է, գրանցվում է և դեռ գրանցվելու է: Պատմականորեն ակտիվ տարածաշրջան լինելուց, բացի հետհրաբխային գործընթացն այժմ ակտիվացել է եւ արտահայտվում է երկրաշարժի տեսքով: Ոչ մի առանձնահատուկ բան տեղի չի ունենում: Որևէ խնդիր չկա, շատ հաճախ լինում են 3-5 բալանոց ցնցումներ: Ես չեմ կարծում, որ դրանք վտանգավոր են, այն կարող է պարզապես տհաճ լինել բնակչության համար », – ասում է սեյսմիկ մոնիտորինգի ազգային կենտրոնի տնօրեն Թեա Գոդոլաձեն:
Նշենք, որ Ախալքալաքում գործում է Սեյսմիկ մոնիթորինգի կենտրոն, որը զբաղվում է երկրակեղևի երկրաֆիզիկական հետազոտություններով և վիճակի մասին տվյալներն անմիջապես փոխանցում է Թբիլիսի, որտեղ էլ տեղեկատվությունը մշակվում է:
Սեյսմիկ ազգային կենտրոնի տնօրեն Թեա Գոդոլաձեն ասաց, որ Ախալքալաքի Սեյսմիկ կենտրոնը լավագույններից մեկն է Վրաստանում և օգնում է պարզել երկրաշարժերի էպիկենտրոնը:
Ջավախքը Վրաստանի ամենաակտիվ սեյսմիկ գոտիներից է: Աբուլ լեռը, որը գտնվում է Ջավախքում, հանգած հրաբուխ է հանդիսանում:
Ախալքալաքում վերջին ուժգին երկրաշարժը՝ 8 բալ ուժգնությամբ, գրանցվել է 1986 թվականին:
«Վրաստանի լավագույն սեյսմիկ կենտրոնն Ախալքալաքում է»
