Վրաստանի ներքին գործերի նախարարությունը սեպտեմբերի 27-ի առավոտյան Ախալքալաքի շրջանային ընտրական հանձնաժողովի շենքում տեղի ունեցած միջադեպի հետ կապված վարում է հետաքննություն, Վրաստանի Քրեական օրենսգրքի 162-րդ հոդվածի (Պրիմա գլխի) Առաջին մասի հիման վրա, որը նախատեսում է բռնություն կամ նախընտրական շրջանում բռնության սպառնալիք:
Վրաստանի Քրեական օրենսգրքի այս հոդվածը ենթադրում է, որ ընտրության օրվանից մինչև վերջնական արդյունքների հրապարակումը, այն շենքում, որտեղ տեղի են ունենում ընտրությունները, որտեղ տեղակայված են ընտրական հանձնաժողովները կամ հարակից տարածքները, նախընտրական քարոզչության կամ քարոզարշավի ընթացքում, ծեծի կամ այլ բռնության կամ բռնության սպառնալիքը պատժվում է տուգանքով կամ ազատազրկմամբ, մինչև երկու տարի ժամկետով:
Սեպտեմբերի 27-ի առավոտյան Ախալքալաքի շրջանային ընտրական հանձնաժողովի անդամի և նույն հանձնաժողովի նախագահի միջև տեղի է ունեցել բախում: Ընդդիմադիր «Միասնական ազգային շարժում» կուսակցության հանձնաժողովի անդամ Թեոնա Ճալիձեն հանձնաժողովի նախագահ Հասմիկ Մարանգոզյանին մեղադրում է նրանում, որ նա բազմիցս վիրավորել է նրան և անգամ ֆիզիկական բռնություն գործադրել: Հասմիկ Մարանգոզյանը ասում է, որ դա սադրանք էր նրա հասցեին:
