Վերջին 24 ժամվա ընթացքում, Հայաստանում գրանցվել է «Covid 19»-ով վարակման 766 նոր դեպք: Այսպիսով երկրում գրանցված դեպքերի թիվը հասել է 13 130-ի:
Ըստ Հայաստանի հանրապետության առողջապահության նախարարության՝ ապաքինվել է 4014 մարդ, որոնցից 294-ը՝ վերջին 24 ժամվա ընթացքում:
10-ով ավելացել է զոհերի թիվը և թարմացված տվյալներով՝ Հայաստանում կորոնավիրուսից մահացել է 200 մարդ:
Հայաստանի հիվանդությունների վերահսկման կենտրոնն առանձին հաշվառում է նրանց, ովքեր մահացել են այլ հիվանդության պատճառով: Համավարակի սկզբից ի վեր երկրում գրանցվել է 72 նման դեպք:
