Հայաստանի պատվիրակության վրաստանյան այցի երկրորդ օրը Սփյուռքի, Կրթության և Մշակույթի նախարարները և վարչապետի խորհրդականը եղան Ախալքալաքի Երիտասարդական կենտրոնում:
Հայկական երիտասարդական կենտրոն կատարած առաջին պաշտոնական այցի շրջանակներում ՀՀ նախարարները ծանոթացան Կենտրոնի գործնեության ու առաջիկա անելիքներին:
ՀՀ վարչապետի խորդրական Արսեն Խառատյանը, Կրթության և գիտության նախարար Արայիկ Հարությունյանը, Սփյուռքի նախարար Մխիթար Հայրապետյանը և Մշակույթի նախարար Լիլիթ Մակունցը շրջայց կատարեցին Կենտրոնում և կարճ հանդիպում ունեցան հաստատության սաների հետ:
Երիտասարդական կենտրոնի տնօրեն Կարինե Թադևոսյանը բարձրաստիճան հյուրերին հանգամանալից ներկայացրեց կենտրոնի տարիների կատարած նվիրաբեր աշխատանքի, այդ ճանապարհին հանդիպած դժվարությունների ու առաջիկա արդեն ծրագրված անելիքների մասին: Վերջինս հույս հայտնեց, որ նախարարների այցը դրական ազդեցություն կունենա և համգործակցությունն ավելի կխորանա այս կառույցների միջև:
Նախարարները իրենց հերթին նշեցին, որ համագործակցությունը խորացնելու են և նոր թափով շարունակելու:
Աղունիկ Այվազյան