Սամցխե-Ջավախեթիի մեդիա կենտրոնը Ջավախեթիի տեղական համայնքի կարիքները ներկայացրել է 2024 թվականի ընտրություններին մասնակցող քաղաքական կուսակցություններին:
5 ամիսների ընթացքում՝ 2023 թվականի դեկտեմբերից մինչև 2024 թվականի ապրիլը ներառյալ, Սամցխե-Ջավախքի մեդիա կենտրոնը որակական հետազոտության մեթոդով բացահայտել է տեղական համայնքի, այդ թվում՝ կանանց և երիտասարդների կարիքները և այդ կարիքների առաջնահերթությունները Նինոծմինդայում և Ախալքալաքում: Հետազոտությունն իրականացվել է «Մեր ձայնը» նախագծի շրջանակներում, որն իրականացրել է Սամցխե-Ջավախեթիի մեդիա կենտրոնը՝ Ամերիկյան Ազգային դեմոկրատական ինստիտուտի NDI-ի աջակցությամբ։ Սամցխե-Ջավախքի մեդիա կենտրոնը (SJMC) տարածաշրջանում 20 տարվա փորձ ունի: Նշված նախագծի նպատակն է 2024 թվականի խորհրդարանական ընտրություններին մասնակցող քաղաքական ուժերին ծանոթացնել հետազոտության արդյունքում բացահայտված տեղական համայնքի կարիքների առաջնահերթություններին և նպաստել այս կարիքների արտացոլմանը նախընտրական քաղաքական դիսկուրսում։
Որակական հետազոտությունն իրականացվել է ֆոկուս-խմբային հետազոտության մեթոդի և խորացված հարցազրույցների միջոցով: Ֆոկուս խմբերի նպատակն էր բացահայտել Ջավախքի տեղական համայնքի`ազգային փոքրամասնության ներկայացուցիչների, կանանց և երիտասարդների առաջնահերթ կարիքները, իսկ խորացված հարցազրույցների նպատակն էր ծանոթանալ տեղական ինքնակառավարման մարմինների և տեղական հասարակական կազմակերպությունների ներկայացուցիչների տեսակետներին՝ ֆոկուս-խմբերի հետազոտության ընթացքում բացահայտված խնդիրների պարզաբանման նպատակով, ինչպես նաև այդ բացահայտված կարիքների լուծման հնարավոր ուղիների քննարկումը և վերլուծությունը:
Անցկացվել է 6 ֆոկուս-խումբ, 3-ը՝ Նինոծմինդայում, 3-ը՝ Ախալքալաքում, որոնցում մասնակցել են Ախալքալաքի և Նինոծմինդայի մունիցիպալիտետների, ինչպես քաղաքում, այնպես էլ գյուղերում բնակվող, տարբեր տարիքի ու մասնագիտության, սոցիալական տարբեր կարգավիճակի տեր կանայք, երիտասարդներ և ազգային փոքրամասնությունների ներկայացուցիչների խառը խմբեր։ Յուրաքանչյուր խմբում մասնակցել է 9-11 հոգի, ընդհանուր առմամբ 60-ից ավելի: Նրանցից ամենաերիտասարդը եղել է 19 տարեկան, իսկ ամենատարեց մասնակիցը՝ 83 տարեկան։
Ֆոկուս խմբերի և հարցազրույցների արդյունքում բացահայտված կարիքներին առաջնահերթություն տալու համար ծրագրի թիմը հանդիպեց Ախալքալաքի և Նինոծմինդայի կանանց և երիտասարդների հետ, նրանց ներկայացրեց հետազոտության արդյունքները և դասակարգման և զույգերի համեմատման մեթոդով կատարվեց ֆոկուս խմբերի հետազոտության ընթացքում բացահայտված կարիքների առաջնահերթության սահմանումը: Ընդհանուր առմամբ կայացել է 4 նման հանդիպում՝ երկուսը Նինոծմինդայի և երկուսը Ախալքալաքի ներկայացուցիչների հետ։ Հանդիպումներին մասնակցել է տեղական համայնքի շուրջ 70 ներկայացուցիչներ։ Բացի այդ, Նինոծմինդայի և Ախալքալաքի փողոցներում և գյուղերում ծրագրի թիմը հանդիպեց տեղական համայնքի ներկայացուցիչների հետ, ովքեր հնարավորություն ունեցան կառույցին կից հետազոտության ընթացքում բացահայտված կարիքներից ընտրել իրենց համար առաջնահերթ մարտահրավերներից երկուսը և գնդիկը տեղադրել դրա երկայնքով թափանցիկ խողովակի մեջ: Այսպիսով, դեմ առ դեմ երկխոսության միջոցով ավելի քան 300 մարդկանց առաջնահերթությունները պարզվեցին։ Հաշվի առնելով այս ամենը՝ հետազոտության արդյունքներն արտացոլել են Նինոծմինդայի և Ախալքալաքի տեղական համայնքների շուրջ 500 ներկայացուցիչների դիրքորոշումը։
Կազմվել է հետազոտության հաշվետվություն։ Այս ուսումնասիրությունը ներկայացուցչական չէ, և զեկույցի արդյունքները հիմնված են վեց ֆոկուս խմբերի, չորս հանդիպումների, խորացված հարցազրույցների և Նինոծմինդայի և Ախալաքալաքի մունիցիպալիտետներում տեղի համայնքի հետ առերես հանդիպումների արդյունքում ստացված տեղեկատվությանը:
Հետազոտության արդյունքում երիտասարդները առաջնահերթ մարտահրավերներ են անվանել աշխատատեղերի սակավությունը, որակյալ հիմնական կրթության նվազ հասանելիությունը և լեզվական խոչընդոտը՝ պետական լեզվի չիմացությունը:
Կանայք ամենահրատապ մարտահրավերներ են համարել որակյալ առողջապահական ծառայությունների քիչ հասանելիությունը, մասնագիտական կրթություն ստանալու քիչ հնարավորությունը, քաղաքային հասարակական տրանսպորտի բացակայությունը և տեղական արտադրանքի իրացման խնդիրները:
Իսկ Ջավախեթիի տեղական համայնքի ընդհանուր մարտահրավերները, որոնք բացահայտվել են փողոցներում խառը ֆոկուս խմբերի և քաղաքացիների հարցումների միջոցով, տեղում աշխատելու հնարավորությունների բացակայությունն են, աշխատանքային միգրացիայի աճը, գյուղատնտեսական նոր տեխնոլոգիաների հասանելիության բացակայությունը և Վրաստանի քաղաքացիություն ստանալու հետ կապված բարդ ընթացակարգերը։
Ծրագրի թիմը Նինոծմինդայի և Ախալքալաքի տեղական համայնքների ներկայացուցիչներին ներկայացրեց հետազոտության արդյունքները, այդ մարտահրավերների մասին նյութեր պատրաստվեցին Նինոծմինդայի և Ախալքալաքի տեղական լրատվամիջոցներում:
Հետազոտության արդյունքների մասին տեղեկացվել են 2024 թվականի խորհրդարանական ընտրություններին մասնակցող քաղաքական կուսակցությունները։ Նրանց գրավոր ուղարկվել են հետազոտության արդյունքները և հետազոտության արդյունքում բացահայտված առաջնահերթությունները։ Կայացել է նաև Ջավախքի տեղական համայնքի ներկայացուցիչների և խորհրդարանական ընտրություններին մասնակցող կուսակցությունների առցանց հանդիպում։ Հանդիպմանը հրավիրված էին 14 քաղաքական կուսակցություններ, այդ թվում՝ կառավարական կուսակցությունը, սակայն հանդիպմանը մասնակցում էին ընդամենը յոթ ընդդիմադիր կուսակցություններ։ Հանդիպմանը նրանք ներկայացրեցին կողմերի տեսլականները՝ բացահայտված մարտահրավերների առնչությամբ, պատասխանեցին տեղական համայնքի հարցերին։
Ծրագրի թիմը կապ հաստատեց նաև 2024 թվականի խորհրդարանական ընտրություններին մասնակցող 14 քաղաքական կուսակցությունների հետ և խնդրեց գրավոր կամ տեսաերիզի միջոցով ծանոթացնել Ջավախեթիի տեղական համայնքի մարտահրավերների վերաբերյալ կուսակցության տեսլականին: Տեսազրույցների ձայնագրությունը հնարավոր է եղել հինգ քաղաքական կուսակցությունների հետ։
Այստեղ կարող եք ծանոթանալ քաղաքական կուսակցությունների՝ «Վրացական երազանք – Ժողովրդավարական Վրաստան», Դաշինք «հանուն փոփոխությունների», «Միացյալ ազգային շարժում», Դաշինք «Ուժեղ Վրաստանի համար» և «Գախարիան Վրաստանի համար» ներկայացուցիչների տեսազրույցներին, որտեղ քաղաքական գործիչները ներկայացնում են իրենց տեսակետները Ջավախեթիի կանանց մարտահրավերների, Ջավախեթիի երիտասարդների մարտահրավերների և էթնիկ փոքրամասնությունների մարտահրավերների վերաբերյալ:
Տարածաշրջանում «Սամցխե-Ջավախեթիի մեդիա կենտրոնի» երկարամյա փորձը և տեղական համայնքի հետ հարաբերությունները մեզ հիմք են տալիս ասելու, որ և՛ կանայք, և՛ երիտասարդները իրականում շահագրգռված են ավելի ինտեգրվել հասարակությանը և խաղալ ավելի ակտիվ դերակատարություն հասարակական կյանքում ինչպես տարածաշրջանի, այնպես էլ երկրի մասշտաբով:
Սակայն դրա համար պետք է լսելի լինի նրանց ձայնը, հստակ սահմանվեն նրանց կոնկրետ կարիքները, և այդ կարիքների վերացման վրա կենտրոնանա կուսակցությունների նախընտրական օրակարգը, արտացոլվի ծրագրերում և գրվի էթնիկ փոքրամասնությունների մարտահրավերները վերացնելու կոնկրետ ռազմավարություն»,- նշում են «Սամցխե-Ջավախեթի մեդիա կենտրոնում»:
Տեսանյութի պատրաստումը հնարավոր է դարձել Ամերիկայի ժողովրդի կողմից՝ ԱՄՆ Միջազգային զարգացման գործակալության (USAID) և Ազգային ժողովրդավարական ինստիտուտի (NDI) ֆինանսական աջակցությամբ։ Տեսանյութի բովանդակության պատասխանատվությունը հեղինակն է, և արտահայտված կարծիքները կարող են չհամընկնել Ազգային ժողովրդավարական ինստիտուտի, Միացյալ Նահանգների միջազգային զարգացման գործակալության կամ Միացյալ Նահանգների կառավարության տեսակետներին: