Վրաստանի Ազգային վիճակագրական ծառայության՝ օգոստոսի 15-ին հրապարակված ճշգրտված տվյալների համաձայն, 2023 թվականին Վրաստանում օտարերկրյա ուղղակի ներդրումները կազմել են 1902,2 միլիարդ ԱՄՆ դոլլար, ինչը 15,6 տոկոսով պակաս է 2022 թվականի ճշգրտված ցուցանիշից և 19,3 տոկոսով ավելի, քան
2023 թվականի նախնական տվյալները։ Նվազման հիմնական պատճառներն են վերաներդրումների ծավալների փոփոխությունները և պարտքային պարտավորությունների կրճատումը։
Վիճակագրական ծառայության տվյալներով՝ 2023 թվականին վերաներդրումների մասնաբաժինը կազմել է օտարերկրյա ուղղակի ներդրումների ընդհանուր ծավալի 83,7%-ը։
2023 թվականին օտարերկրյա ուղղակի ներդրումների ամենամեծ մասնաբաժինը՝ 386,3 միլիոն ԱՄՆ դոլլար, բաժին է ընկել Նիդեռլանդներին, որին հաջորդում են Մեծ Բրիտանիան՝ 364,3 միլիոն դոլլարով և ԱՄՆ-ը՝ 182,2 միլիոն դոլլարով:
Այլ երկրների մասնաբաժինը օտարերկրյա ուղղակի ներդրումներում հետևյալն է. Թուրքիա՝ 109,5 մլն ԱՄՆ դոլլարով, Ռուսաստան՝ 103,3 մլն ԱՄՆ դոլլարով, Չինաստան՝ 98,4 մլն ԱՄՆ դոլլարով, Մալթա՝ 97,4 մլն ԱՄՆ դոլլարով, Ադրբեջան՝ 90,3 մլն ԱՄՆ դոլլարով, Ճապոնիա՝ 69,4 մլն ԱՄՆ դոլլարով, Շվեյցարիա՝ 41,9 մլն ԱՄՆ դոլլարով, մնացած երկրները՝ 359,2 մլն ԱՄՆ դոլլարով։
2023 թվականին օտարերկրյա ուղղակի ներդրումների ամենամեծ մասնաբաժինը` 583,6 միլիոն ԱՄՆ դոլար, բաժին է ընկել ֆինանսական և ապահովագրական հատվածին: Հաջորդը` առևտուրն է՝ 314,3 մլն ԱՄՆ դոլար, արտադրական արդյունաբերությունը՝ 301,5 մլն ԱՄՆ դոլլար, տրանսպորտը՝ 165,4 մլն ԱՄՆ դոլլար, տեղեկատվություն և հաղորդակցություն՝ 119,6 մլն ԱՄՆ դոլլար, անշարժ գույք՝ 111,2 մլն ԱՄՆ դոլլար, շինարարություն՝ 85,9 մլն ԱՄՆ դոլլար, մասնագիտական և գիտական գործունեություն՝ 50 մլն ԱՄՆ դոլլար, էներգիա՝ 44,3 մլն ԱՄՆ դոլլար, ժամանց և հանգիստ՝ 35,2 միլիոն դոլլար, արդյունաբերության այլ ճյուղեր՝ 91,3 մլն ԱՄՆ դոլլար։
