Ախալքալաքի քաղաքապետարանը տեղական բյուջեից 1 մլն 786 հազար 562 լարի է հատկացրել կենտրոնական մայրուղուց Մերենիա գյուղ տանող ճանապարհի ասֆալտապատման համար։ Աշխատանքների կատարման մրցույթը հայտարարված է, առաջարկների ընդունումը կսկսվի 2024 թվականի օգոստոսի 22-ից։
Ախալքալաք-Բակուրիան կենտրոնական ճանապարհից դեպի Մերենիա գյուղ, մոտ 2 կմ, ճանապարհն ասֆալտապատվում է։ Ճանապարհի լայնությունը կլինի 5 մ։ Մրցութային փաստաթղթերի համաձայն, նախատեսված է նաև ջրահեռացման համակարգի կազմակերպում։ Ծրագիրը կիրականացվի երկու տարում՝ 2024-2025 թթ. Ծրագիրը նախատեսում է նաև ճանապարհային նշանների և արհեստական խոչընդոտների տեղադրում, որոնք սահմանափակում են արագությունը բնակեցված վայրերում:
Հայտերի ընդունման վերջնաժամկետը օգոստոսի 28-ն է։
Նշենք, որ Մերենիա գյուղի ճանապարհն անմխիթար վիճակում էր։
