Այսօրվանից մեկնարկում է ուսուցչի առարկայական, ավագ հատուկ ուսուցչի և հիմնական մասնագիտական հմտությունների քննություններին գրանցումը։ Քննություններին գրանցումը հնարավոր է ապրիլի 3-ից մինչև 15-ը ներառյալ՝ ժամը 18:00-ն:
Գրանցումը կատարվում է միայն էլեկտրոնային եղանակով՝ Գնահատման և քննությունների ազգային կենտրոնի գրանցման էջում՝ online.naec.ge։
Գրանցման հրահանգներին կարող եք ծանոթանալ մուտք գործելով նշված հղումով։
Ծրագրերին կարող եք ծանոթանալ մուտք գործելով նշված հղումով։
Բոլոր դիմորդներն իրավունք ունեն ընտրելու միայն մեկ առարկա և ցանկության դեպքում նաև ավագ հատուկ ուսուցիչ և/կամ հիմնական մասնագիտական հմտությունների քննություն:
Ավագ հատուկ ուսուցչի քննությանը մասնակցելու իրավունք ունեն ինչպես ուսուցչի մասնագիտական զարգացման և կարիերայի առաջխաղացման սխեմայով բաշխված գործող հատուկ ուսուցիչը, այնպես էլ հատուկ ուսուցիչ դառնալ ցանկացողը:
Գրանցման ժամանակ քննվողը նշում է միայն.
-անձնական համարը,
-կոնտակտային հեռախոսահամար,
-առարկան, որից նա ցանկանում է քննություն հանձնել,
-ցանկալի քննության քաղաք։
Ծրագիրը թույլ չի տա լրացնել գրանցումը, եթե դուք չեք վճարել քննության մասնակցության վճարը՝ 50 լարի։ Հիշեցնենք նաև, որ պրակտիկոս և պրակտիկոս հատուկ ուսուցիչների գրանցումն անվճար է։
Նկատի ունեցեք՝ գրանցման տվյալների մեջ կարող եք փոփոխություններ կատարել միայն մինչև գրանցման ժամկետի ավարտը:
