Վրաստանի վարչապետ Իրակլի Ղարիբաշվիլին Իսպանիայի Գրանադա քաղաքում մասնակցում է Եվրոպական քաղաքական գագաթնաժողովին, որին հրավիրված են եվրոպական մոտ 50 երկրներ։ Նրա խոսքով, եվրոպացի բոլոր առաջնորդները խոստացել են աջակցել Վրաստանին թեկնածուի կարգավիճակ տրամադրելուն, իսկ ինքը նրանց փոխանցել է կարգավիճակ չտրամադրելու հետևանքները։
«Բոլորը լավ գիտեն, որ մենք գտնվում ենք յուրահատուկ իրավիճակում, քանի որ երկրի զգալի մասն օկուպացված է, և այս ամենը հաշվի առնելով՝ երկիրը կարողանում է զարգանալ, առաջադիմել և բարեփոխվել այնպես, որ պահպանվի խաղաղությունն ու կայունությունը»,- այս մասին Իսպանիայում լրագրողներին հայտնել է Վրաստանի վարչապետ Իրակլի Ղարիբաշվիլին:
Մեր վարչապետը երկկողմ հանդիպումներ է ունեցել եվրոպացի առաջնորդների հետ, նրանց տեղեկատվություն է փոխանցել Վրաստանի ձեռքբերումների մասին։
«Ես նրանց տեղեկացրեցի ձեռք բերված առաջընթացի մասին և բոլոր եվրոպական առաջնորդներից ստացա հաստատում, որ նրանք կաջակցեն Վրաստանին թեկնածուի կարգավիճակ շնորհելուն: Ես նրանց էլ եմ ասել, որ եթե երկիրը կարգավիճակ չստանա, լրիվ անհասկանալի կլինի։ Սա վիրավորաական կլինի վրացի ժողովրդի համար։ Բացարձակապես անընդունելի կլինի, և որ ամենակարևորն է, վերջին մեսիջը, որ ես նրանց ասացի, ուղիղ մեսիջ կլինի նույնիսկ Ռուսաստանի և տարածաշրջանի այլ երկրների համար, կամ այն երկրների համար, որոնք փորձում են մերձենալ Եվրամիությանը։ Մենք այս հարցերի շուրջ խոսել ենք Եվրամիության հետ, և կարծում եմ, որ մեր մասնակցությունն այս ֆորումին շատ կարևոր էր»,- ասել է Իրակլի Ղարիբաշվիլին։