Ախալքալաքի մունիցիպալիտետի քաղաքապետարան է ներկայացվել քաղաքացիների 4 գաղափար Ախալքալաքի զարգացման համար։ Իր նիստում հատուկ հանձնաժողովը մաղել է երկու գաղափար՝ հանձնաժողովի կողմից «ընտրված» մնացած երկու գաղափարները կդրվեն բնակիչների քվեարկությանը, իսկ հաղթող գաղափարը կֆինանսավորվի 2024 թվականի բյուջեով։ Դեռևս հայտնի չէ, թե կոնկրետ ինչպես է տեղի ունենալու քաղաքացիների քվեարկությունը, բայց ամենայն հավանականությամբ այն կլինի էլեկտրոնային՝ քաղաքապետարանի սոցիալական ցանցերի միջոցով։
Այս տարվա օգոստոսից Ախալքալաքում իրականացվում է «Հասարակության հզորացում սոցիալ-տնտեսական և քաղաքական կյանքում իրավահավասար և լիարժեք մասնակցության համար» նախագիծը, որի շրջանակում շարքային քաղաքացիներին հնարավորություն է տրվել մասնակցել մունիցիպալիտետի բյուջետավորման գործընթացին։
Ըստ նախագծի՝ Ախալքալաք քաղաքում գրանցված և(կամ) փաստացի բնակվող Վրաստանի յուրաքանչյուր քաղաքացի կարող էր առաջարկել մունիցիպալիտետի ընդհանուր բարելավմանն ուղղված գաղափար։ Նախաձեռնությունների բյուջեն չպետք է գերազանցի 30 000 լարին։
Jnews-ը հետևողական է եղել ծրագրի իրականացման ընթացքին։ Նշենք, որ նախաձեռնության նպատակը ոչ այնքան ծրագրերի իրականացումն է, որքան տեղական իշխանությունների և բնակիչների միջև կապի հաստատումն ու քաղաքացիական մասնակցությունը։ Սակայն նման հաղորդակցություն նախագծի ոչ մի փուլում դեռևս չի եղել։ Նախագծի մասին ի սկզբանե չէր հայտարարվել Ախալքալաքի կայքում ու ՏԻՄ սոցիալական ցանցերում, այսինքն՝ քաղաքացիները հնարավորություն չունեին տեղեկանալու այդ մասին։ Բացի այդ, HEKS EPER-ի և Քաղաքացիական հասարակության ձևավորման աջակցության կենտրոնի (SCCSF) ներկայացուցիչների հետ հնարավոր գաղափարների հանրային քննարկումների ժամանակ հանդիպման մասին տեղեկատվությունը նույնպես չի տարածվել բնակչության շրջանում, ուստի դրան հիմնականում մասնակցել են տեղական ինքնակառավարման մարմինների աշխատակիցներ:
Հանդիպումից հետո հայտերի ընդունման վերջնաժամկետ էր սահմանվել օգոստոսի 21-ը, սակայն հայտը երկարաձգվել էր առանց ստույգ ամսաթվի կամ այլ որևէ բանի։
Jnews-ին հաջողվել է պարզել, որ արդյունքում քաղաքապետարան է ներկայացվել 4 նախաձեռնություն.
Ըստ Սամցխե-Ջավախքի և Քվեմո Քարթլիի ծրագրերի համակարգող Օլգա Էնդելաձեի, կանոնակարգի համաձայն, նախ պետք է քննարկվեին նախաձեռնությունները հանձնաժողովի կողմից, որում միայն այն նախագծերը, որոնք տեխնիկապես հարմար չէին, կարող էին մաղվել:
Այլ դեպքերում (եթե նախագիծը համապատասխանում է իրավական և տեխնիկական չափանիշներին, բայց կան աննշան թերություններ), հանձնաժողովի ներկայացուցիչները պետք է կապ հաստատեն հեղինակի հետ, փոփոխություններ մտցնեն նախագծի մեջ և այն, այնուամենայնիվ, ներկայացնեն համընդհանուր քվեարկության:
Սակայն, ըստ Ախալքալաքի փոխքաղաքապետ Մկրտիչ Մղդեսյանի, հետագա քննարկումների համար «ընտրվել է» 2 նախագիծ։
«Հոկտեմբերի 1-ին ժողով ենք անցկացրել, պետք է արձանագրություն գրել, հետո այն կտեղադրենք կայքում, այսօր կամ վաղը ընթացակարգը կավարտվի: Ընտրվել է 2 նախագիծ, մարդիկ պետք է քվեարկեն դրանց օգտին, հավանաբար էլեկտրոնային քվեարկություն կանցկացնենք»,- ասաց Մղդեսյանը։
Ինչպես պարզեց Jnews-ը, հետագա քննարկման համար «ընտրված» 2 գաղափարներն են.
Ինչպես նշում է Օլգա Էնդելաձեն, հանձնաժողովի նիստից հետո քաղաքապետարանի ներկայացուցիչները պարտավոր էին նախագծի հեղինակներին պաշտոնական պատասխան տալ նախագծերի վերաբերյալ, սակայն այս պահին առնվազն 2 հեղինակ՝ մեկը մաղվածներից, մյուսը՝ ընթացքն անցածը, ոչ մի պատասխան չեն ստացել:
Օլգայի խոսքով՝ կանոնակարգի համաձայն՝ քվեարկությունը նախատեսված է հոկտեմբերի վերջին։
Նշենք, որ ծրագրի և ներկայացված նախաձեռնությունների մասին տեղեկատվությունը դեռևս հասանելի չէ տեղական ինքնակառավարման մարմինների որևէ տեղեկատվական ռեսուրսում։ Jnews-ը հետեւում է Ախալքալաքում աննախադեպ քաղաքացիական բյուջետավորման գործընթացին։
