Այսօր՝ սեպտեմբերի 3-ին, ժամը 16:00-ի սահմաներում ուժեղ կարկուտ է տեղացել Ախալքալաքի շրջանի Խավեթ գյուղում: Կարկուտը, որը տևել է 15-ից 20 րոպե, հողին է հավասարեցրել գյուղացիների այգիներն ու ցանքատարածությունները։
Ուժեղ կարկուտի հասցրած վնասները դեռևս դժվար է գնահատել։ Սակայն գյուղում կարկուտի սպիտակ շերտի տակ են մնացել այգիները, բանջարանոցներն ու ցանքատարածությունները։ Ըստ գյուղացիների հավաստիացումների՝ կարկուտը շատ մեծ է եղել՝ 3-4 սմ տրամագծով։
Խավեթում նշում են՝ նման չափի կարկուտ գյուղում չեն հիշում, որ տեղացած լիներ վերջին տարիներին:
