Իսպանիայի Բադախոզ քաղաքում ընթացող ռեգբիի Եվրոպայի առաջնության եզրափակիչ խաղում Վրաստանի ռեգբիի հավաքականը 38:11 հաշվով հաղթեց Պորտուգալիայի հավաքականին և տասնհինգերորդ անգամ նվաճեց չեմպիոնի տիտղոսը։
Եզրափակիչում հաղթանակը Վրաստանի հավաքականի հաղթանակած 100-րդ հանդիպումն էր այս մրցաշարում, վրացի ռեգբիստներն իրենց անպարտելիության շարքը հասցրին 29 հանդիպման, ինչը նոր ռեկորդ է։
Թիմերը սկզբից ակտիվ սկսեցին հանդիպումը, առաջին փորձը իրացրեցին պորտուգալացիները, սակայն Վրաստանի հավաքականը շուտով կարողացավ հարթել խաղը և 10 րոպեի ընթացքում երկու անգամ փորձ արեց։ Ակակի Տաբուցաձեն դուբլի հեղինակ դարձավ, ով կուտակեց 27 փորձ և այս ցուցանիշով հավասարվեց լեգենդար Մամուկա Գորգոձեին:
Առաջին խաղակեսը Վրաստանի հավաքականը հաղթեց 12:11 հաշվով։
Երկրորդ խաղակեսը վրացի ռեգբիստները սկսեցին արագ փորձով և առաջ անցան 17:11 հաշվով: Պորտուգալացիները փորձեցին փրկել խաղը, և նրանց գրոհներն ավելի սրվեցին, սակայն Վրաստանի հավաքականը լավ պաշտպանվեց:
Ի վերջո, Վրաստանի հավաքականը վեց փորձ իրացրեց մրցակցի դեմ՝ տանելով այս կոշտ, լարված հանդիպումը դեպի հաղթանակ և, բացի տիտղոսը նվաճելուց, կտեղափոխվի համաշխարհային ռեգբիի թարմացված վարկանիշային աղյուսակի 11-րդ հորիզոնական։
Վրաստան-Պորտուգալիա խաղից առաջ Բադախոսում կայացավ ռեգբիի Եվրոպայի առաջնության «Բրոնզե եզրափակիչը», որում Ռումինիայի հավաքականը 31:25 հաշվով հաղթեց Իսպանիային ու գրավեց երրորդ տեղը։
