Վարչապետ Իրակլի Ղարիբաշվիլիի նախաձեռնությամբ մեկնարկում է լայնածավալ ծրագրի իրականացում:Այս տարվա սեպտեմբեր-հոկտեմբեր ամիսներին կմեկնարկի 800 դպրոցների բարեկարգման առաջին փուլը և 80 նոր դպրոցների շինարարության և 320 դպրոցի վերականգնման մրցույթ:
Վարչապետի մամուլի գրասենյակի հաղորդմամբ՝ կառավարությունում տեղի է ունեցել աշխատանքային խորհրդակցություն, որի ընթացքում կրթության և գիտության նախարար Միխեիլ Չխենկելին և կրթական և գիտական ենթակառուցվածքների զարգացման գործակալության տնօրեն Լևան Սուխիտաշվիլին կառավարության ղեկավարի հետ քննարկել են նախագծի մանրամասները:
Նախագծի համաձայն՝ մնացած 400 դպրոցների վերականգնման մրցույթը կհայտարարվի 2023-2024 թվականներին, իսկ մինչև 2026 թվականի ավարտն ընդհանուր առմամբ կկառուցվի և կվերականգնվի 800 դպրոց։
Ծրագիրը ապահովում է կրթական ռեսուրսների հավասար հասանելիություն և դրանց կատարելագործում, և ավելի քան 230 000 աշակերտ կօգտվի դրա իրականացումից: Արդյունքում մինչև 2026 թվականի վերջ բոլոր հանրակրթական ուսումնական հաստատությունները ենթակառուցվածքային առումով սարքին կլինեն։
Ծրագրի արժեքը մեկ միլիարդ լարի է։
Jnews-ը բազմիցս է անդրադարձել այն հարցին, թե արդյո՞ք Ախալքալաքի քաղաքապետարանի դպրոցները կընդգրկվեն այս նախագծում։ Կրթական ռեսուրս կենտրոնում այս տեղեկությանը չեն տիրապետում, իսկ քաղաքապետարանից հայտնել էին, որ զրոյից կառուցվող դպրոցների թվում ներառվելու է Սուլդա գյուղի դպրոցը։ Jnews-ը այս հարցի վերաբերյալ թարմ տեղեկատվություն կհրապարակի ավելի ուշ:
Կարդացեք նաև՝
Սուլդայում կկառուցվի նոր դպրոց
Վարչապետը խոստանում է՝ մինչեւ տարեվերջ 800 դպրոց կնորոգվի
