Վրացական սոցցանցերում սկանդալ է ծագել տեսանյութի հրապարակումից հետո, որտեղ Թբիլիսիի կենտրոնում երկու մերկ մարդիկ բառացիորեն թավալվում են գետնին։ Տեսանյութը նկարահանվել է Մարջանիշվիլի նոր կյանք առած փողոցում։ Թե ովքեր են հայտնվել կադրում, հայտնի չէ, սակայն հեղինակը պնդում է, որ դրանք ռուսներ են։
Մեկնաբանություններում օգտատերերը հետաքրքրվում են, թե ուր են կորել ավանդական արժեքների պաշտպանները՝ Եվրոպային մեղադրելով սոդոմիզմի մեջ և վախենալով «վրացիությունը» կորցնելուց։ Ոմանք կոչ են անում փակել սահմանը «հավատակիցների» համար և իշխանություններին մեղադրում են ռուսներին չափազանց մեղմ վերաբերմունք ցուցաբերելու մեջ։ Թեև կան այնպիսիք, ովքեր, դատապարտելով զույգի պահվածքը, հորդորում են հապճեպ եզրակացություններ չանել։
Վրաստանի ՆԳՆ-ը վարչական վարույթ է սկսել «Մարջանիշվիլի» մետրոկայարանի մոտ տեսախցիկների առթիվ, որոնք ֆիքսել են երկու մերկ մարդկանց դեմքերը։ Գերատեսչությունից հայտնել են, որ նկարահանված տղամարդու և կնոջ ինքնությունն արդեն պարզվել է, երկուսն էլ Վրաստանի քաղաքացիներ են։
«Մարդկային արժանապատվությունը և հասարակական բարոյականությունը վիրավորող արարքի կատարման փաստով ընթացիկ վարչական վարույթի շրջանակներում երկու անձինք էլ նույնականացվել են ՆԳՆ-ի կողմից, երկուսն էլ Վրաստանի քաղաքացիներ են»,- ասվում է ՆԳՆ-ի հայտարարության մեջ։
Դեպքի առթիվ հետաքննություն է սկսվել Վրաստանի «Վարչական իրավախախտումների վերաբերյալ օրենսգրքի» 171-րդ հոդվածի 2-րդ մասով՝ հասարակական վայրերում մարդու արժանապատվությունը և հասարակական բարոյականությունը վիրավորող գործողություններ կատարելը, ինչը դրսևորվում է բացահայտ անհարգալից վերաբերմունքով և հասարակության մեջ ընդունված վարքագիծը հանգեցրել է անձի համար նվաստացուցիչ կամ վիրավորական միջավայրի ստեղծմանը (սեռական վարքագիծ, անպարկեշտաբար լրիվ կամ մասնակի մերկացում, հասարակական վայրերում ֆիզիոլոգիական կարիքների բավարարում: Իրավախախտներից յուրաքանչյուրին սպառնում է մինչև 200 լարի (մոտ 70 ԱՄՆ դոլար) տուգանք:
Աղբյուրը՝ SovaNews
