Վախթանգ Բոճորիշվիլիի անվան կլինիկայի գլխավոր տնօրեն Դավիթ Գադելիան սոցցանցում գրառում է կատարել աղիքային վարակի վտանգավոր հետևանքների մասին: Նա հորդորում է զգույշ լինել ուտելիս, քանի որ թեթև թվացող աղիքային լուծը կարող է ավարտվել ողբերգական ելքով։
Ինչպես Դավիթ Գադելիան իր ֆեյսբուքյան էջում գրում է.
«Իրոք շատ տհաճ զգացողություն է՝ 1-2 օր լուծ, սրտխառնոց, փսխում, երբեմն նույնիսկ ջերմաստիճանի բարձրացում, բայց հիմնականում այն անցել է առանց հետքի։ Իհարկե, ես նկատի ունեմ ընդհանուր աղիքային վարակներն ու վիրուսները, ոչ թե խոլերիան կամ նույնիսկ դիզենտերիան: Այս «թունավորման», «ինչ-որ բան ինձ անհանցստացնում է»-ի պատճառը հիմնականում աղիքային ձողիկներն են, շիգելան, սալմոնելոզը, clostridium difficile-ը, էնտերովիրուսները, և չնայած տհաճ զգացողություններին, այն դեռ համարում ենք թեթև, եթե ոչ ծանր հիվանդություն, քանի որ նման դեպքեր բազմիցս ենք ունեցել»:
Դավիթ Գադելիան հիշեցնում է, որ երեխաների մոտ փորլուծությունը երբեք հեշտ հիվանդություն չի եղել և միշտ ներառվել է երեխաների մահվան պատճառների հնգյակում:
«Եվ հիմա ես ուզում եմ ձեր ուշադրությունը հրավիրել ամենալուրջ հիվանդության վրա, որը վերջերս շատ տարածված է: Սա հեմոլիտիկ-ուրեմիկ համախտանիշ է: Հիվանդությունը հանգեցնում է արյան կարմիր բջիջների՝ էրիթրոցիտների քայքայմանը, երիկամների միկրոշրջանառության խաթարմանը, պարզ բառերով ասած՝ նեղացում, երիկամի ամենափոքր արյունատար անոթների խցանում և երիկամների լիակատար անջատում։ Հիվանդությունը սկսվում է բավականին անվնաս՝ սովորական աղիքային վարակով և վիճակագրության համաձայն՝ այս հիվանդության 6%-ն ավարտվում է մահով»:
Բժիշկը խորհուրդ է տալիս աղիքային վարակը տանը բուժելիս ուշադրություն դարձնել մեզի արտազատմանը: Եթե այն զգալիորեն կրճատվել է, ապա անհրաժեշտ է ահազանգել: Պետք է փորձել կանխել աղիքային ձողիկների ներթափանցումը օրգանիզմ ջրի և սննդի հետ միասին՝ բերանի խոռոչի միջոցով։
«Լվացեք բոլոր բանջարեղենները, մրգերը, խոտաբույսերը միշտ և հատկապես ամռանը: Մի կերեք վատ եփած և տապակած միս։ Մի կերեք կասկածելի հիգիենա ունեցող հաստատությունների կողմից պատրաստված սնունդ, դա շատ վտանգավոր է»:
Հարկ է նշել, որ Ախալքալաքում և գյուղերում ևս վերջին շրջանում շատերին է անհանգստացնում փսխոցը, թուլությունը, փորլուծությունը, որոնք երբեմն ուղեկցվում են բարձր ջերմությամբ։ Սակայն ըստ բժիշկ-համաճարակաբանների դրանք ամառային, սննդային թունավորումներ են։ Պետք չէ անհանգստանալ, անհրաժեշտ է պահպանել հիգիենան և դիմել բժշկի, եթե փսխումն ու փորլուծությունը ուղեկցվում են բարձր ջերմությամբ, կամ նկատվում է օրգանիզմի ջրազրկում։
Կարդացեք նաև՝«Կեղտոտ ձեռքերի» հիվանդություններ. թունավորումների սեզոն Ախալքալաքում
