Վրաստանի վարչապետ Իրակլի Ղարիբաշվիլին շնորհավորում է բոլոր լրագրողներին, հեռուստատեսության, ռադիոյի, տպագիր և էլեկտրոնային լրատվամիջոցներին վրացական լրագրության օրվա առթիվ։
Կառավարության ղեկավարի խոսքով, անկախ լրատվամիջոցները, հավատարիմ սկզբունքներին ու արժեքներին, անկախ բարձր պարտականություններից և մասնագիտական չափանիշներից, էական նշանակություն ունեն ժողովրդավարության որակի և քաղաքացիական հասարակության զարգացման համար:
«Մեր կառավարությունը երաշխավորում է ազատ, բազմակարծիք լրատվական միջավայր: Միջազգային հեղինակավոր կազմակերպությունների հետազոտությունների համաձայն՝ «Վրացական երազանքի» իշխանության գալուց հետո իրականացված բարեփոխումների արդյունքում զգալիորեն բարելավվել է լրատվամիջոցների ազատության աստիճանը։ Այս առումով Վրաստանն այսօր տարածաշրջանում անվիճելի առաջատարն է։ Մենք ապագայում կանենք ամեն ինչ վրացական մեդիա տարածքը զարգացնելու համար»,- ասված է վարչապետի հայտարարության մեջ
