«Թբիլիսիի փրայդի» անունից մենք կցանկանայինք հայտարարել, որ արժանապատվության երթը այսօր չի կայանա, – այս մասին ասվում է «Թբիլիսի փրայդի» տարածած հայտարարության մեջ:
«Հայտարարված պատերազմը քաղաքացիական հասարակության, ժողովրդավարական արժեքների և երկրի եվրոպական ընթացքի դեմ:
Երկրի իշխանությունների այսօրվա գործողությունները ևս մեկ անգամ պարզաբանեցին, որ քաղաքական իշխանությունը պատրաստ չէ կատարել իր անմիջական պարտականությունը: Վարչապետ Իրակլի Ղարիբաշվիլիի խայտառակ, բռնի, հակապետական և հակաարևմտյան հայտարարությունը, որով նա ագրեսիայի պատասխանատվությունը և վեկտորները տեղափոխեց ակտիվիստների վրա, մեր քաղաքական իշխանությունների՝ Վրաստանի պատրիարքարանի և ռուսամետ խմբերի համակարգված բռնարար, խրախուսող և ռուսական քաղաքականության շարունակություն է: Գործադիր իշխանության անգործությունը իրական վտանգի տակ է դրել Վրաստանի քաղաքացիների առողջությունն ու կյանքը:
Ներքին գործերի նախարարությունը, չնայած նրան, որ հնարավորություն ուներ ապահովել փրայդի շաբաթի մասնակիցների անվտանգությունը, ոչ մի արդյունավետ միջոց չի ձեռնարկել մարդկանց հիմնարար իրավունքները պաշտպանելու համար: «Թբիլիսիի փրայդի» անդամները, միջազգային կազմակերպությունների և դիվանագիտական կորպուսի ներկայացուցիչները բազմաթիվ հանդիպումներ ունեցան ՆԳ նախարարության ներկայացուցիչների հետ: Նրանք ծանոթ էին մեր ծրագրերի հետ, որի համաձայն պետք է տեղի ունենար երթի անվտանգության պաշտպանությունը: Սակայն, այն բանի փոխարեն, որ իրականացվեին գործուն միջոցներ, առավոտից տեսանք բռնարար խմբերի խրախուսումը պետական պաշտոնյաների կողմից:
Հենց այս անգործությունն ու ատելության խմբերի՝ որպես քաղաքական իշխանության գործիք օգտագործումը հանգեցրին «Թբիլիսիի փրայդի» և «Ամոթ է» շարժման գրասենյակների գրոհներին, ոստիկանության առջև լրագրողների նկատմամբ բռնություններին, դա ավելին է, քան մասնագիտական պարտականությունների խոչընդոտում:
Հաշվի առնելով ներկայիս իրադարձությունները, մենք չենք ակնկալում, որ ՆԳ նախարարությունը համարժեքորեն կատարի իր պարտականությունները, քանի որ տեսնում ենք, որ նրանք չեն արձագանքում իրենց առջև դրված բռնության փաստերին, և ատելության հսկայական ալիքին, որի ականատեսն ենք:
Մենք կոչ ենք անում միջազգային հանրությանը, ընդդիմադիր կուսակցություններին, հասարակական կազմակերպություններին, աջակիցներին և Վրաստանի քաղաքացիներին հստակորեն հեռու մնալ արմատական ատելության խմբավորումներից, ոչ պետական անգործության քաղաքականությունից:
«Թբիլիսիի փրայդի» անունից ուզում ենք փաստել, որ Արժանապատվության երթը #Համերաշխության համար այսօր տեղի չի ունենա: Իշխանությունները ոչ միայն չեն ապահովել քվիար համայնքի և մեր աջակիցների անվտանգությունը, այլև ակտիվ գործողությունների միջոցով խանգարում են մեզ օգտագործել հավաքների մեր իրավունքը: Մենք չենք կարող դուրս գալ փողոց, որը լի է ավազակներով, որոնց աջակցում են կառավարությունը, պատրիարքարանը և ռուսամետ ուժերը և վտանգի տակ դնում մարդկանց կյանքը:
Մենք ուզում ենք մեր աջակիցներին հասկացնել, որ հանուն արժանապատվության պայքարը շարունակվելու է, անդառնալի գործընթաց, որը չի դադարի՝ չնայած ատելության խմբերի, պատրիարքարանի և կառավարության կատաղի դիմադրությանը: Մենք անպայման դուրս կգանք հանուն արժանապատվության», – ասված է հայտարարության մեջ:
