Մրցակցության գործակալությունը մոտ ապագայում կավարտի Վրաստանի վառելիքի շուկայի մոնիթորինգը՝ վերջնական հաշվետվությունը մինչև մայիսի 15-ը կներկայացվի վարչապետ Իրակլի Ղարիբաշվիլիի գլխավորությամբ Տնտեսական խորհրդին: Այս մասին հայտնում է Վրաստանի կառավարության վարչակազմի մամուլի ծառայությունը։
Մրցակցության գործակալության ղեկավար Իրակլի Լեկվինաձեն տեղեկատվություն է տրամադրել վերջին երեք ամիսների ընթացքում շարժիչային վառելիքի արժեքի հետ կապված իրավիճակի մասին։
Նրա վերլուծությունների հիման վրա որոշվել է, որ գործակալությունը կշարունակի մոնիթորինգը վառելիքի շուկայում՝ «առողջ մրցակցության խթանման համապարփակ առաջարկությունների շուկայում մշակման նպատակով»։
Մարտի վերջին Վրաստանի մի քանի խոշոր քաղաքներում վառելիքի թանկացման դեմ բազմաթիվ ակցիաներ են անցկացվել։ Դրանց մասնակիցները իշխանություններից պահանջում էին նվազեցնել ակցիզային հարկը՝ համարելով, որ դա կօգնի նվազեցնել վառելիքի ինքնարժեքը Վրաստանում։ Մեկնաբանելով ցուցարարների պահանջները՝ վարչապետ Ղարիբաշվիլին կոչ է արել բնակչությանը չտրվել իրենց մոլորության մեջ գցող քաղաքական գործիչների սադրանքներին։
Վրաստանում վառելիքի գները սկսել են աճել նախորդ տարվա աշնանից, սակայն այս գարնանը ռեկորդային աճ է գրանցվել։ Մասնավորապես, AI-92 բենզինի ինքնարժեքը մեկ ամսվա ընթացքում թանկացել է գրեթե 12%-ով, դրա մեկ լիտրի արժեքը կազմել է մոտ 3,8 լարի (1,2 ԱՄՆ դոլար), իսկ AI-95 բենզինի մեկ լիտրի արժեքը հասել է պատմական առավելագույնին՝ 4 լարի (մոտ 1,24 ԱՄՆ դոլար): Գների աճի հիմնական գործոնը միջազգային շուկայում տիրող իրավիճակն է և փոխարժեքը։
