Նինոծմինդայի մանկական գիշերօթիկ դպրոցում հանդիպում է ընթանում է ընդլայնված կազմով, որի ներկա են Առողջապահության փոխնախարար Թամար Բարկալայան, ՄԱԿ-ի մանկական հիմնադրամի ներկայացուցիչ Ղասան Խալիլը, ինչպես նաև Պատրիարքարանի և «Վորլդ Վիժնի» ներկայացուցիչները:
Հանդիպմանը քննարկվում է գիշերօթիկ դպրոցում ստեղծված իրավիճակը: Առողջապահության փոխնախարար Թամար Բարկալաիայի խոսքով, այս փուլում գիշերօթիկ դպրոցում մնում է 29 երեխա:
«Մենք տարբեր գերատեսչությունների ներկայացուցիչներ եկել ենք այստեղ, որպեսզի քննարկենք գիշերօթիկ դպրոցում ստեղծված իրավիճակը, տեսնենք ամեն բան, գնահատենք և քննարկենք գիշերօթիկում ապրող երեխաների հետագա ծրագրերը: Մեր ընդհանուր շահը երեխան է, պաշտպանելով նրա լավագույն շահը և ստեղծելով նրա համար լավագույն ապագա: Թիվ մեկ գերակայությունը ընտանիքն է, ընտանեկան միջավայրը, ինտեգրումը և դա հեշտ գործընթաց չէ: Կարևոր է, որ այս գործընթացը լավ ծրագրվի, որ լինի երեխաների և ընտանիքների պատրաստվածություն: Արդեն տեղափոխվել են որոշակի թվով երեխաներ: Այստեղ աշխատում են սոցիալական աշխատողները, միջազգային կազմակերպությունների ներկայացուցիչները, և կարող եմ ասել, որ այստեղ երեխաների առողջությունն ու կյանքը վտանգված չեն: Ինչ վերաբերում է փակմանը և վերափոխմանը, մենք այստեղ ենք, բոլոր հարցերը քննարկելու համար: Այս փուլում գիշերօթիկ դպրոցում մնում է 29 երեխա», – հայտարարել է Թամար Բարկալայան:
Ինչպես հայտարարել է «Վորլդ Վիժն»-ի ներկայացուցիչ Մայա Մեգրելիշվիլին, այսօր տեղի կունենա հանդիպում, որտեղ կազմակերպությունների ներկայացուցիչները կքննարկեն տարբեր հարցեր:
«Իմ առաքելությունն էր դիտարկել գործընթացները: Ներկայումս այս ամենին տրվել է միջգերատեսչական ուղղություն, այսօր տեղի կունենա հանդիպում, որտեղ մենք կքննարկենք տարբեր կազմակերպությունների կողմից առաջ քաշված հարցեր: Դեռևս խոսք չի եղել փակման և դուրսբերման մասին, բայց այսօրվա նպատակն է խոսել խնամքի այլընտրանքային ձևերի մասին, որոնք կարող են համահունչ լինել ժամանակակից չափանիշներին», – ասել է Մայա Մեգրելիշվիլին:
