Ախալքալաքի մունիցիպալիտետի Դիլիսկա գյուղի թիվ 1 հանրային դպրոցի նոր շենքը կառուցման փուլում է: Շինարարությունն իրականացնում է Մունիցիպալ զարգացման հիմնադրամը: Աշխատանքները 2 013 120 լարի գումարով կատարում է «Համընկերություն Արփի Գրուպ» -ը:
Շինարարական աշխատանքներն ընթացքի մեջ են: Հիմնականում աշխատում են տեղացի շինարարները: Ըստ բանվորների, նրանք ձմռանն էլ էին աշխատում, թեև փոքր ծավալով, այնքան, որքան եղանակն էր թույլ տալիս: Այսօր, երբ Jnews- ը դպրոցում էր գտնվում, բանվորներն աշխատում էին կաթսայատան կառուցման վրա:
Շինարարներից մեկի՝ Մալխազ Պապիձեի խոսքերով, ով Չունչխա գյուղից է, աշխատանքները սկսել են անցյալ տարվա հոկտեմբերի վերջին, նրանք ապամոնտաժել են հին շենքը, ամրացրել հիմքը և դրա վրա կառուցել նոր շենք:
«Մենք 10 կամազ հող ենք հանել, երկու-երեք օր առաջ տանիքը լցրել ենք 20 սմ բետոնով, հիմա քառակող փայտյա ձողերն ենք տեղադրում: Փոխել ենք ներքին միջնապատերը: Շենքի շուրջը մոտ 2 մ հիմքը փորել ենք և լցրել բետոնով: Կարծում եմ, որ մենք ժամկետի մեջ կտեղավորվենք, ուղղակի հիմա տոներ են, բանվորները քիչ են », – ասաց Մալխազ Պապիձեն:
Շենքը կառուցվում է հնի հիմքի վրա, միայն ավելացվում է սանհանգույցը, քանի որ հին դպրոցում այն չկար:
Դիլիսկա գյուղի №1 հանրային դպրոցը վերանորոգվում է անցյալ տարվանից: Դպրոցը գտնվում էր վթարային վիճակում: Մի անգամ առաստաղը փլվել էր, բարեբախտաբար ոչ ոք չէր տուժել: Դպրոցը ոչ միայն վթարային էր, այլև սպորտ-դահլիճ չուներ, իսկ տանիքը անձրևոտ և ձյունոտ եղանակներին կաթում էր: Խոնավության պատճառով դասասենյակների պատերին բորբոսասնկեր էին աճում։ Դպրոցը նաև չուներ նորմալ զուգարան:
Տնօրինության բազմիցս բողոքներից հետո, անցյալ տարի, պետությունը որոշեց վերանորոգել դպրոցը: Դպրոցը հիմնանորոգվում է Մունիցիպալ զարգացման հիմնադրամի կողմից: Հատկացվել է 2 238 973.00 լարի: Վերանորոգման տենդերը 2 013 120 լարիով շահել է «Համընկերություն Արփի Գրուպ» ընկերությունը:
Դիլիսկա գյուղի թիվ 1 դպրոցում սովորում է 216 աշակերտ: Դպրոցի տնօրեն Ռիմմա Մկոյանը հուսով է, որ այս տարվա սեպտեմբերին նրանք նոր ուսումնական տարին կսկսեն դպրոցի նոր շենքում:
«Մենք տեղափոխվել ենք գյուղի վարչական շենք և ակումբի շենք, սովորում ենք երկու հերթափոխով: Հիմա արձակուրդներ են: Մեզ խոստացել են, որ կհասցնեն մինչ նոր ուսումնական տարվա սկսվելը: Նոր դպրոցն արդեն կունենա նորմալ զուգարան և ջուր, ջեռուցում », – ասաց դպրոցի տնօրեն Ռիմմա Մկոյանը:
Դիլիսկայի թիվ 1 հանրային դպրոցը փլուզման եզրին
Մունիցիպալ զարգացման հիմնադրամը Ջավախքում կվերանորոգի 5 դպրոց
