Այսօրվանից՝ մարտի 1-ից, Վրաստանում սկսվել է միասնական ազգային քննությունների համար գրանցումը: Գնահատման և քննությունների ազգային կենտրոնի տեղեկությամբ՝ գրանցումը տեղի կունենա միասնական ազգային քննությունների, ուսանողների դրամաշնորհների մրցույթի, ընդհանուր մագիստրոսական քննությունների, ավագ հատուկ մանկավարժների քննության, ինչպես նաև ուսուցիչների առարկայական քննության և առարկայական ու մասնագիտական որակավորումների հաստատման համար: Գրանցումը սկսվելու է մարտի 1-ին առավոտյան ժամը 10:00-ին և կտևի մինչև մարտի 31-ի ժամը 18:00-ն:
«Գրանցումը կատարվում է միայն էլեկտրոնային ձևով, գնահատման և քննությունների ազգային կենտրոնի online.naec.ge կայքում: Քննություններին մասնակցել ցանկացողները պետք է ընտրեն համապատասխան վանդակը և հետևեն հրահանգներին: Գնահատման և քննությունների ազգային կենտրոնը հրապարակել է «Դիմորդների համար ուղեցույց» 2021 էլեկտրոնային ժողովածուն:
Տեղեկատուի մեջ ներկայացված է աղյուսակ, որը ցույց է տալիս բարձրագույն ուսումնական հաստատությունների տվյալները, յուրաքանչյուր քննության նշանակված գործակիցները, սահմանված իրավասության սահմանները, ուսման վարձերը և այլ մանրամասներ: Տեղեկատուն պարունակում է նաև քննությունների վերաբերող հետևյալ տեղեկատվությունը. նորություններ, գրանցման ցուցումներ, կրթական ծրագրերի ընտրության, քննության գործընթացի, արդյունքների հրապարակման, բողոքարկման կարգի, գրանցման և պետական դրամաշնորհ ձեռք բերելու կարգի մասին տեղեկություններ: Դիմորդների գրանցման գործընթացն այս տարի նույնպես կիրականացվի մի քանի փուլով. Գրանցման առաջին փուլում դիմորդը պետք է գրանցման վանդակում մուտքագրի անձնական տվյալները, ընտրի քննության քաղաքը և ընտրվող առարկաները: Դիմորդները կարող են քննության առարկան, ինչպես նաև քննության լեզուն փոխել կամ ավելացնել մինչև ապրիլի 15-ի ժամը 18:00-ն, իսկ կրթական ծրագրերի ցանկում:
Հիշեցնենք, որ կենտրոնը պատասխանատու է միայն իր պաշտոնական կայքում՝ www.naec.ge և Facebook-ի էջում տեղադրված տեղեկատվության համար: Կենտրոնը խնդրում է բոլոր դիմորդներին չվստահել չճշտված տեղեկատվությանը»,- հայտարարել են գնահատման և քննությունների ազգային կենտրոնում:
