Ախալքալաքի մունիցիպալիտետի գյուղերի բուժքույրերին բաժանվել են նոր բժշկական սարքավորումներ և պարագաներ՝ COVID-19 համավարակի հետևանքով առաջացած սոցիալական դժվարությունները հաղթահարելու համար:

Բուժքույրերին բաժանվել է հետևյալ բժշկական սարքավորումները, որպեսզի գյուղացիներն ավելի արագ և մատչելի բժշկական օգնություն ստանան. Հեռահար ջերմաչափ մեծահասակների և երեխաների համար, մեծահասակների և երեխաների էլեկտրոնային սրտի ռիթմի մոնիտոր, գլյուկոմետր, նեբուլայզեր, երեխաների և մեծահասակների համար ինհալատոր, ախտահանիչ լուծույթ, մեծահասակների և երեխաների համար պարանոցի կայունացուցիչ, միանգամյա ձեռնոցներ, դիմակներ, վերքերի առաջնային վիրաբուժական մշակման հավաքածու և շատ այլ պարագաներ ու սարքավորումներ:

Նոր բժշկական սարքավորումները ձեռք են բերվել «LAG»-ի և մունիցիպալիտետի կողմից իրականացվող «ENPARD-2» ծրագրի շրջանակներում:

Ընդհանուր առմամբ, Ախալքալաքի մունիցիպալիտետում նոր բժշկական սարքավորումներ և պարագաներ ստացել են գյուղերի 44 բուժքույրեր:

Բժշկական սարքավորումների ձեռքբերման տենդերը հայտարարվել էր 2020 թվականի հոկտեմբերի 30-ին` 167 160 լարիի չափով, որը շահել էր «Մեդինյուս» ընկերությունը՝ 158 560 լարիի չափով: 167 160 լարիից 150 000 լարին ֆինանսավորվել է «LAG»-ի կողմից, 17 160 լարին՝ տեղական բյուջեի: