Ըստ 2021 թվականի բյուջեի նախագծի նախատեսվում է 2021 թվականի հունվարից 100 լարիով բարձրացնել կարգավիճակ ունեցող ուսուցիչների աշխատավարձը: Այս մասին հայտնում է Ֆինանսների նախարարության մամուլի ծառայությունը:
Ըստ նախարարության՝ 2021 թվականի աշխատավարձը ներառում է այն գումարը, որն անհրաժեշտ է 2020 թվականին ոստիկանությունում և բանակում աշխատավարձերի բարձրացման ամբողջ տարին ֆինանսավորելու համար:
Հաջորդ տարվա բյուջեի նախագծում ընդհանուր առմամբ 103.1 միլիոն լարի է հատկացվում տեղահանվածներին բնակարանով ապահովելու և միգրանտներին աջակցելու համար: Հողերի գրանցման միջոցառումներին օժանդակելու համար տրամադրվում է ավելի քան 30 միլիոն լարի:
