Հայաստանում անցած մեկ օրում կորոնավիրուսի դեպքերի թիվն աճել է 1 385-ով՝ հասնելով 126 224-ի, գրանցվել է հիվանդությունից մահվան ևս 21 դեպք, հաղորդում է Առողջապահության նախարարությունը:
Այսօր նախարարության հրապարակած տվյալների համաձայն՝ հիվանդությունից բուժվածների թիվն ավելացել է 1261-ով և հասել 94 090-ի:
Ըստ նույն աղբյուրի` իրականացվել է 3 436 թեստավորում, ընդհանուր թիվը հասավ 487 088-ի:
Նախորդ օրն արձանագրվել է մահվան 3 դեպք, երբ պացիենտներն ունեցել են կորոնավիրուսային վարակ, սակայն մահը վրա է հասել այլ հիվանդության պատճառով։ Նման դեպքերի թիվը 501 է:
Կորոնավիրուսային հիվանդությունից մահացածների ընդհանուր թիվը հասավ 1 952-ի:
Այսպիսով, COVID-19-ից տվյալ պահին Հայաստանում բուժվում է 29 681 մարդ:
