Այսօր՝ հոկտեմբերի 16-ին, Ախալքալաքի գեղարվեստի դպրոցում տեղի ունեցավ Կոմիտասի 150-ամյակին նվիրված նկարների ցուցահանդես:
Ցուցահանդեսին ներկայացված էին Ախալքալաքի և Համասիայի գեղարվեստի դպրոցի սաների աշխատանքները:
Ցուցահանդեսի մասնակիցները կարող էին ցուցադրել անսահմանափակ թվով աշխատանքներ: Դպրոցի աշակերտներին շատ ոգևորեց այն փաստը, որ իրենց աշխատանքները ներկայացվեցին հանրությանը:
Ըստ Գեղարվեստի դպրոցի տնօրեն Կառլեն Կարապետյանի՝ նման ցուցահանդեսներ կկազմակերպվեն նաև Համասիայում և Գյումրիում:
Ցուցահանդեսին ներկա էին Վալերի Ստելմաշովը, Տեր Նարեկ քահանա Տիգրանյանը, Աշուղ Ալիկ Ջավախքը, Ախալքալաքի քաղաքապետարանի կրթության, մշակույթի, սպորտի և երիտասարդության հարցերի վարչության պետը և արվեստով հետաքրքրված այլ հյուրեր:
Բրատիսլավ Իգիթխանյան
