Ախալքալաքի Արդարադատության տան շենքի շինարարական աշխատանքները մոտենում են ավարտին:

Արդարադատության տան շենքի երկրորդ հարկում շինարարական աշխատանքներն ավարտվել են, իսկ առաջին հարկում և դրսում մնացել են որոշ երեսպատման աշխատանքներ: Ինչպես նաև մնացել է բարեկարգել շենքի բակը:

Շինարարության աշխատողները տեղացիներ են, իսկ մասնագետները Թբիլիսիից են: Շենքն ապահովված է հրդեհային և անվտանգության ազդանշաններով, ջեռուցմամբ և օդափոխության հարմարությամբ:

«Instal» շինարարական ընկերության փոխտնօրեն Իրակլի Կուջաիձեի խոսքերով, 10 օրվա ընթացքում աշխատանքները կավարտվեն:

«Մեր պայմանագիրն ավարտվում է հոկտեմբերի 15-ին, բայց հույս ունեմ, որ 10 օր մեզ կավելացնեն: 3 օրը հավանաբար քիչ է, որ տարածքը չորանա, որ հետո ասֆալտապատենք: Մենք կավարտենք աշխատանքը, կավլենք այն և դուրս կգանք: Իսկ հետո կմտնի մեկ այլ ընկերություն, որը կմաքրի ամեն ինչ և կկահավորի », – ասաց Իրակլի Կուջաիձեն:

Արդարադատության տան շինարարությունը 2018 թ.-ի մայիսից շարունակել է «Instal» ընկերությունը: Փոխտնօրենի խոսքով հատկացվել էր մոտ 1 մլն լարի:

Արդարադատության տան կառուցումը երեք տարի ձգձգվում էր: Նախորդ ՍՊԸ «Պրիզմա» ընկերությունը, որը սկսել էր կառուցել շենքը, չկարողացավ ավարտել շինարարությունը և որակազրկվեց:

Ախալքալաքի Արդարադատության տունը սկսել են կառուցել 2016 թ.-ի մայիսին և պետք է հանձնվեր շահագործման 2016 թվականի հոկտեմբերի 16-ին:

Շուշան Շիրինյան