Ըստ Henley Passport Index-ի՝ Սինգապուրն ունի աշխարհի ամենահզոր անձնագիրը։ Սինգապուրի անձնագրով հնարավոր է առանց վիզայի ռեժիմ 195 երկրներում։ Նշենք նաև, որ ամենաթույլ անձնագիրն ունի Աֆղանստանը՝ դրանով կարելի է ճանապարհորդել 26 երկիր։
Henley Passport Index-ի նախորդ վարկանիշի համաձայն՝ Վրաստանը հզոր անձնագրերի վարկանիշում 44-րդ տեղում էր, ըստ թարմացված վարկանիշի, երկիրը իջել է 45-րդ հորիզոնական։ Նշենք նաև, որ 45-րդ տեղը Վրաստանը Մոլդովայի հետ է կիսում։ Վրացական և մոլդովական անձնագրերով առանց վիզայի կարելի է այցելել 122 երկիր։
Հարևան երկրների համեմատ ամենաուժեղ անձնագիրն ունի Վրաստանը։ Վարկանիշի 46-րդ տեղում նրան հաջորդում են Ռուսաստանը և Թուրքիան, որոնց անձնագրով առանց վիզայի կարելի է այցելել 116 երկիր։
Ադրբեջանը վարկանիշում 71-րդն է՝ առանց վիզայի 71 երկիր մուտքի հնարավորությամբ։ Նրան հաջորդում է Հայաստանը՝ 74-րդ տեղով (68 երկիր առանց վիզայի մուտքի հնարավորությամբ)։
Henley Passport Index-ը ցույց է տալիս, թե որ երկրների քաղաքացիները կարող են մուտք գործել տվյալ երկիր առանց վիզայի: Վարկանիշը կազմվել է Օդային տրանսպորտի միջազգային ասոցիացիայի տվյալների հիման վրա և ներառում է 199 անձնագիր և 227 երկիր։
