Վրաստանում վարձու աշխատողների միջին ամսական անվանական աշխատավարձը 2021 թվականի երկրորդ եռամսյակում կազմել է 1,328.0 լարի: Այս մասին հայտնում է Վրաստանի վիճակագրության ազգային ծառայությունը: Հետազոտությունն իրականացվել է պաշտոնապես հայտարարված տվյալների հիման վրա:
2020 թվականի երկրորդ եռամսյակի համեմատ՝ հաշվետու ժամանակաշրջանի միջին ամսական անվանական աշխատավարձն աճել է 15.5%-ով:
Կանանց միջին ամսական աշխատավարձը կազմել է 1077,8 լարի, իսկ տղամարդկանցը՝ 1,560,0 լարի:
Միևնույն ժամանակ, տարվա ընթացքում կանանց աշխատավարձն աճել է 153.6 լարիով, իսկ տղամարդկանցը` 207.6 լարիով: Տղամարդկանց աշխատավարձերն ավելի բարձր են տնտեսության գրեթե բոլոր ոլորտներում:
Երկրորդ եռամսյակում միջին ամսական աշխատավարձը բիզնեսի ոլորտում աճել է 214 լարիով և կազմել 1,389.6 լարի:
Ամենից շատ վճարվում են տեղեկատվության և կապի ոլորտում աշխատողներին (2 209,4 լարի), ինչպես նաև մասնագիտական, գիտական և տեխնիկական գործունեության (2 177,4 լարի) աշխատողներին:
Վրաստանի տնտեսության ոչ արտադրական և ֆինանսական հատվածներում միջին ամսական աշխատավարձն աճել է 117.8 լարիով և կազմել 1.226.6 լարի:
Միջին ամսական աշխատավարձը 2021 թվականի երկրորդ եռամսյակի համար, արդյունաբերության թոփ 4 ոլորտները
. Ֆինանսներ և ապահովագրություն՝ 2.354.7 լարի, աճը 15.4%
. Տեղեկատվություն և հաղորդակցություն` 2,173.0 լարի, աճը` 12.4%
. Շինարարություն՝ 2006,1 լարի, աճ 23,7%
. Մասնագիտական, գիտական և տեխնիկական գործունեություն` 1 919.5 լարի, աճը` 7.4%