«Քաղաքացիական հասարակության հզորացում` սոցիալական, տնտեսական և քաղաքական կյանքում հավասար և լիարժեք մասնակցության համար» ծրագրի շրջանակներում, որն իրականացվում է HEKS-EPER Georgia կազմակերպության կողմից՝ ԵՄ ֆինանսական աջակցությամբ՝ Սամցխե-Ջավախքի հասարակական կազմակերպությունների հարթակը, հոկտեմբերի 18-ին, Ախալքալաքում Մեծահասակների կրթության կենտրոնում անցկացրեց հանդիպում երիտասարդների, հասարակական կազմակերպությունների ներկայացուցիչների և կրթության ոլորտի փորձագետների հետ։ Հանդիպման հիմնական թեման երիտասարդների ինքնաիրացման խնդիրներն ու ուղիներն էին։
Սամցխե-Ջավախքի համալսարանի երիտասարդները, ովքեր ավարտել են Վրաստանի տարբեր բուհեր, և Ախալքալաք վերադարձած երիտասարդները, ինչպես նաև այլ երկրների բուհերում սովորող կամ դրանք ավարտած երիտասարդները Պլատֆորմի և համալսարանի ներկայացուցիչների հետ միասին քննարկել են խնդիրները կրթության ոլորտում, ներառյալ պետական լեզուն սովորելու դժվարությունները և աշխատանքի համար պետական լեզվի անհրաժեշտությունը, ինչպես նաև «1+4» ծրագիրը, ծրագրի դրական և բացասական կողմերը, որը հատուկ ներդրվել է կրթական համակարգում Վրաստանի էթնիկ փոքրամասնությունների համար։
Նշենք, որ հրավիրված էին նաև Վրաստանի Հաշտեցման և քաղաքացիական հավասարության հարցերով պետնախարարի գրասենյակի, ինչպես նաև «1+4» ծրագրի ներկայացուցիչներ, սակայն արդյունքում նրանք հրաժարվեցին մասնակցել։
