Jnews-ը հայտարարում է ընդունելություն ստաժավորման ծրագրին։ Ծրագրի արդյունքում լավագույն թեկնածուները կընդունվեն աշխատանքի Jnews-ի թիմում:
Եթե փնտրում եք աշխատանք, որը կծառայի հանրային շահին, եթե ակտիվ եք և ցանկանում եք փոխվել ու փոխել դեպի լավը, եթե չունեք քաղաքական նախասիրություններ և կարող եք օբյեկտիվորեն նայել ամեն ինչին, ապա մենք սպասում ենք հենց Ձեզ։
Մեկամսյա ստաժավորման՝ վերապատրաստման և գործնական աշխատանքի արդյունքում այն թեկնածուները, ովքեր առավել հարմար են այս աշխատանքի համար, կմիանան Jnews-ի թիմին։
Ունենք թափուր աշխատատեղեր հետևյալ հաստիքների համար.
• լրագրող
• կոնտենտ-մեյքեր
• ֆանդրայզեր և այլն:
Ստաժավորման արդյունքում կարող են աշխատանքի ընդունվել 1-ից 3 հոգի՝ կախված նրանց հմտություններից։ Jnews-ն իրեն իրավունք է վերապահում չընդունել և ոչ մի թեկնածուի, եթե համապատասխան թեկնածուներ չլինեն: Ամեն ինչ կախված է Ձեզանից:
Կարևոր ժամկետներ
• Հայտերն ընդունվում են մինչև հոկտեմբերի 3-ը
• Ծրագիրը՝ հոկտեմբերի 8-ից
• Որոշումների կայացում՝ նոյեմբերի 8
Թեկնածուների անհրաժեշտ հմտությունները և գիտելիքները
• Բարձրագույն կրթություն (բանասիրական (հայերեն, վրացերեն կամ ռուսերեն), սոցիոլոգիա, միջազգային հարաբերություններ, լրագրություն կամ այլ)
• Հաղորդակցման հմտություններ
• Թիմային աշխատանք
• Ակտիվություն
Ծրագիր
• Լրագրության թրեյնինգներ
• Քաղաքացիական ներգրավվածության վերաբերյալ թրեյնինգներ
• Թրեյնինգներ՝ ելնելով մասնակիցների հետաքրքրություններից
• Հանդիպումներ՝ ելնելով մասնակիցների հետաքրքրություններից
• Գործնական աշխատանք
Ինտենսիվություն
• Թրեյնինգներ և հանդիպումներ շաբաթական 2 անգամ (մոտ 2 ժամ յուրաքանչյուրը)
• Գործնական աշխատանք (անհատական)
Ինչպես դիմել
Եթե հետաքրքրված եք մեր ծրագրով, ապա կարող եք Ձեր հայտն ուղարկել jnews.ge@gmail.com էլեկտրոնային հասցեին մինչև հոկտեմբերի 3-ը՝ ժամը 23:59-ը։ Դիմումը պետք է ներառի CV, մոտիվացիոն նամակ, անձը հաստատող փաստաթուղթ (ID քարտ, անձնագիր):
