Վրացի ձյուդոիստ Լաշա Բեքաուրին 90 կգ քաշային կարգում ոսկե մեդալ է նվաճել Փարիզ 2024-ի Օլիմպիական խաղերում և դարձել օլիմպիական կրկնակի չեմպիոն։ Նա եզրափակչում հաղթել է ճապոնացի Մուրաո Սանշիրոյին։ Բեքաուրին առաջին ոսկե մեդալը նվաճեց Փարիզ 2024-ում Վրաստանի օլիմպիական հավաքականի համար։
Տոկիոյի օլիմպիական խաղերի չեմպիոն Լաշա Բեքաուրին կիսաեզրափակչում հաղթել էր Իսպանիայի դրոշի տակ հանդես եկող Տրիստան Մոշլաշվիլիին։
Փարիզի Օլիմպիական խաղերում մինչ Բեքաուրիի հաղթանակը Վրաստանը մեկ արծաթե մեդալ ուներ, որը հուլիսի 30-ին նվաճել էր ձյուդոիստ Տատո Գրիգալաշվիլին 81 կգ քաշային կարգում։
Այսօր՝ օգոստոսի 1-ին, 100 կգ քաշային կարգում կմրցի մեկ այլ վրացի ձյուդոիստ` Իլիա Սուլամանիձեն։
