«Տավուշը հանուն հայրենիքի» շարժումը կոչ է անում համախմբվել և լուծել Հայաստանի ապագայի հարցը:
Շարժման տարածած հայտարարության մեջ ասվում է. «Սիրելի ընկերներ, Սրբազան Հայրը մեզանից ընդամենը 96 ժամ խնդրեց հաղթելու համար։ Այս ժամանակի մի մասն արդեն անցել է։ Երեկ մենք շատ կարևոր բաներ ենք հայտարարել։
Արդեն պարզ է, որ հաղթանակի հասնելու համար շատ բան պետք չէ՝ բավական է հաղթահարել ոստիկանական պատնեշը։ Մենք կարող ենք դա անել։ Մենք կարող ենք նաև դա անել, քանի որ ոստիկանների ճնշող մեծամասնությունը սրտով և մտքով մեզ հետ է:
Պարզապես տղաները գերության մեջ են։ Նրանց գերեվարել են խուլիգաններն ու ստախոսները։ Ոմանց հաջողվել է կաշառել։ Մենք պետք է ազատենք մեր ոստիկաններին այս գերությունից։ Պետք է անել հնարավորը, որպեսզի ոստիկանական շղթաներն ինքնաբուխ բացվեն ժողովրդի առջև, և ճշմարտությունը հաղթի ստին։
Սիրելի հայրենակիցներ, ձեր բոլոր գործերը մի կողմ դրեք։ Եկեք լուծենք Հայաստանի ապագայի հարցը։ Ընդամենը 3 օր, և մենք կունենանք ապաքինվող, արդար, ուժեղ, հոգևոր Հայաստան»,- ասված է ուղերձում։
