Այսօր՝ հունվարի 19-ին, Ախալքալաքի վրաց ուղղափառ եկեղեցում Աստվածահայտնության մեծ տոնի առթիվ մատուցվել է Սուրբ և Անմահ Պատարագ, որից հետո Խոսպիոյում հավատացյալները Հայր Ալեքսանդրի գլխավորությամբ գնացել են եկեղեցի, ապա Փարվանա գետի ափ, որտեղ մկրտվել է 4 հոգի։
Խոսպիոյում Փարվանա գետի մոտ բազմաթիվ մարդիկ էին հավաքվել՝ երեք մեծահասակ և մեկ մանկահասակ երեխա մկրտվեցին, որից հետո բոլորը մտան ջուրը՝ օրհնված ջրում լողալու։ Լողալու վայրում մոբիլիզացված էին փրկարարները։
Մարիամը 23 տարեկան է։ Նա ասում է, որ ընտանիքը միշտ ցանկացել է մկրտել իրեն, բայց այդպես էլ չի ստացվել։ Հենց այսօր մկրտվելը նախընտրել էր նրա կնքամայրը։
«Այսօր յուրահատուկ օր է, այսօր մկրտվել է Հիսուսը»,- ասում է կնքամայր Մարիամը: Մկրտության ժամանակ նա ստացել է Մարիամ Մագդաղենացու անունը:
Այսօր, չնայած արևին և պարզ եղանակին, առավոտից ցրտաշունչ քամի է փչում։ Մոտ կես ժամ Փարվանա գետի մոտ ոտաբոբիկ կանգնելուց հետո բոլոր չորս մկրտվողները, հատկապես փոքրիկ տղան, հազիվ էին զսպում իրենց ցրտից չդողալ։ Մարիամին մենք հարցրինք՝ ի՞նչ է նա զգում։
«Ես շատ եմ վախենում», – ասաց Մարիամը մի փոքր ժպտալով ու մի քիչ անհանգստացած: «Բայց ես, այնուամենայնիվ, պատրաստ եմ»:
Հարցին, թե ինչ է նշանակում իր համար մկրտությունը, Մարիամը պատասխանեց.
«Ինձ համար դա շատ բան է նշանակում: Ես կարծում եմ, որ հիմա ամեն ինչ այլ կերպ է լինելու: Դա զգացողություն է՝ կարծես նորից ծնվես»:
Մկրտության տոնը հաստատվել է ի հիշատակ ավետարանական իրադարձության, երբ 30-ամյա Հիսուս Քրիստոսը մկրտվեց Հովհաննես Մկրտչի կողմից Հորդանանի ջրերում: Հորդանանում իր մկրտությամբ Փրկիչը հիմք դրեց մկրտության խորհուրդին` եկեղեցական յոթ գլխավոր խորհուրդներից մեկին, որի միջոցով մարդը, կարծես, վերածնվում է կյանքի համար Քրիստոսով: Մկրտության տոնը կոչվում է նաև Աստվածահայտնություն, քանի որ Տիրոջ մկրտության ժամանակ հայտնվեցին Սուրբ Երրորդության բոլոր Անդամները. Աստծո ձայնը Հորը վկայում էր Որդու մասին, Աստծո Որդին մկրտվեց Հովհաննեսի ձեռքով Հորդանան գետում, իսկ Սուրբ Հոգին աղավնու տեսքով իջավ Որդու վրա:
