---

Առողջապահության նախարարությունը տարածել է տեղեկություն, ըստ որի` համընդհանուր առողջապահական ծրագրով համապատասխան կարգավիճակ ունեցող քաղաքացիներն ամբողջ տարվա ընթացքում քրոնիկական հիվանդությունների դեղամիջոցներ կստանան ամբողջական ֆինանսավորմամբ։

Ծրագիրը ներառում է հետևյալ քրոնիկ հիվանդությունների բուժման համար դեղերի ֆինանսավորումը՝

• սրտանոթային քրոնիկ հիվանդություններ,
• թոքերի քրոնիկ հիվանդություններ,
• վահանաձև գեղձի քրոնիկ հիվանդություններ,
•  2-րդ կարգի շաքարախտ,
• Պարկինսոնի հիվանդություն,
• էպիլեպսիա։

Ամբողջ տարվա ընթացքում անհրաժեշտ դեղերն անվճար կստանան՝

• սոցիալապես անապահով անձինք (որոնց վարկանիշային միավորը չի գերազանցում 100 000 միավորը),
• թոշակառուները,
• վետերանները,
• հաշմանդամության կարգավիճակ ունեցող անձինք (հաշմանդամ երեխաներ, ծանր կամ զգալիորեն արտահայտված հաշմանդամության կարգավիճակ ունեցող անձինք),
• – Գորի, Խաշուրի, Կասպի, Քարելի, Դուշեթի, Օնի, Սաչխերեի, Զուգդիդի, Մեստիաի, Ծալենջիխի մունիցիպալիտետներում Վրաստանի օկուպացված տարածքների մոտ գտնվող բաժանարար գծին հարող գյուղերում բնակվող բնակչությունը։

Դեղորայք ստանալու համար հիվանդը պետք է դիմի ընտանեկան բժշկին։