Համաձայն «Թրանսփարենսի Ինթերնեշնլ Վրաստան» հասարակական կազմակերպության (TIG) տեղեկագրի, որը հրապարակվել է հուլիսի 31-ին՝ 2023 թվականի երկրորդ եռամսյակում (ապրիլ-հունիս), քաղաքական կուսակցությունները ստացել են ընդհանուր առմամբ 453,336 լարի նվիրատվություն, որից ամենամեծ գումարը 218 300 լարի է ստացել «Լելո` հանուն Վրաստանի» կուսակցությունը։
Երկրորդ տեղում «Վրացական երազանք»-ն է՝ 108.000 լարի քաղաքական նվիրատվություններով։ Հաջորդը՝ «Միացյալ ազգային շարժում»՝ 90 790 լարի, «Վրաստանի քրիստոնեական պահպանողական կուսակցությունը»՝ 9 500 լարի և «Պահպանողական շարժումը»՝ 6 550 լարի։
Նվիրատուների թվով առաջատարը Լեյբորիստական կուսակցությունն է՝ 44 նվիրատվությունով հաշվետու ժամանակահատվածում, թեև այդ նվիրատվությունների մեծ մասը փոքրիկ գումարներ են։
Վրացական երազանքի դոնորները
«Թրանսփարենսի Ինթերնեշնլ Վրաստան»-ի տվյալներով՝ հաշվետու ժամանակահատվածում իշխող կուսակցությունն ունեցել է ընդամենը 3 դոնոր։
«Երեք դոնորներից երկուսը՝ Օթար Պուտկարաձեն և Դավիթ Դևաձեն, Բաթումի սակրեբուլոյի նախկին պատգամավոր Նուկրի Դոլիձեի բիզնես գործընկերներն են, նրանց համատեղ «Բոնդի-2009» ընկերությունը նույն ժամանակահատվածում հաղթել է ավելի քան 35 միլիոն լարիի տենդերում»,- ասվում է տեղեկագրի մեջ։
Նշենք, որ հունիսի 6-ին Պուտկարաձեն եւ Դեւաձեն «Վրացական երազանք»-ին միաժամանակ 100 հազարական լարի են նվիրաբերել։ Նրանք գործընկերներ են երեք ընկերությունների (Ֆիշ Փոյնթ ՍՊԸ, Ձկնորսների Ասոցիացիա ՍՊԸ և Բոնդի-2009 ՍՊԸ), որոնցից հատկապես պետք է նշել Bondi-2009-ը, որը «2012 թվականից շահել է մինչև 190 մլն լարիի տենդերներ և ստացել գնումների պարզեցված պայմանագրեր։ Ավելի քան 800 000 լարիով, իսկ այս ընկերության գործընկերները «Վրացական երազանք»-ին նվիրաբերել են ընդհանուր առմամբ 270 000 լարի։
Պետական աուդիտի ծառայության արձագանքը
Ըստ «Թրանսփարենսի Ինթերնեշնլ»-ի տեղեկագրի, Պետական աուդիտի ծառայության հարցման հիման վրա Եկամուտների ծառայությունը տեղեկատվություն է տրամադրել 11 քաղաքական կուսակցություններին նվիրատվություններ կատարած 32 անձանց մասին: Նրանցից չորսը բավարար եկամուտ չեն ունեցել նվիրատվություն անելու համար։ Աուդիտի ծառայության կողմից առևտրային բանկերից պահանջված տեղեկատվության համաձայն՝ չորս անձանցից երկուսը եղել են «Ազգային շարժման», իսկ երկուսը՝ Պահպանողական շարժման դոնորներ։
