Վրաստանի քննությունների և գնահատման ազգային կենտրոնի (NAEC) հրապարակած, 2023 թվականին անցկացվելիք միասնական ազգային քննությունների ժամանակացույցի համապատասխան՝ 1+4 ծրագրի համար հանձնվող ընդհանուր ունակությունների քննությունը կանցկացվի հուլիսի 18-ին: Jnews-ը համառոտ ներկայացնում է այն ամենի մասին ինչ անհրաժեշտ է իմանալ նախաքննական շրջանում:
Ինչպիսի՞ն է քննության ընթացակարգը
Դիմորդը քննական կենտրոն է ներկայանում քննական քարտում նշված ժամին: Մինչ գրանցումը հանձնում է ավելորդ իրերը, իսկ գրանցումից հետո զբաղեցնում է համապատասխան հատվածում իրեն հատկացված տեղը։ Սեղանի վրա, որտեղ տեղադրված է համակարգիչը, կարող է տեղադրել միայն անձը հաստատող փաստաթուղթ, գրիչ, ջուր, պատասխանների թերթիկ և սևագիր աշխատանքային թերթիկ: Պատասխանների թերթիկները ստանալիս դուք պետք է ստուգեք այն և համոզվել,որ այն անվնաս է:
Դիմորդն ի՞նչ կարող է իր հետ տանել քննասենյակ
Անհրաժեշտ է անձը հաստատող փաստաթղթի հետ ներկայացնել նաև քննական քարտը: Ցանկության դեպքում կարող է տանել նաև՝ պլաստիկ շշով ջուր, ինչպես նաև համապատասխան գրիչ: Բջջային հեռախոսները և ցանկացած էլեկտրոնային սարք, այդ թվում՝ անջատված, չի կարելի տանել քննասենյակ: Դիմորդը քննասենյակ մտնելուց առաջ լրացուցիչ իրերը կարող է թողնել պահեստային տարածքում:
Ինչքանո՞վ է կարևոր քննական քարտը
Քննական քարտը պարունակում է` քննական կենտրոնի հասցեն, քննության գրանցման ժամը և այլ կարևոր տեղեկություններ, հետևաբար անհրաժեշտ է ծանոթանալ դրան և քննական կենտրոն ներկայացնել անձը հաստատող փաստաթղթի հետ միասին:
Ո՞ր դեպքում կարող է դիմորդը լրացուցիչ թեստավորում պահանջել
Թեստավորմանը չներկայացած դիմորդն իրավունք ունի պահանջել լրացուցիչ թեստավորում, եթե նա չի կարողացել թեստավորմանը ներկայանալ թեստային քարտում նշված պահին.
ա) առողջական վիճակի, ստացիոնար բուժհաստատությունում գտնվելու պատճառով
բ) ընտանիքի անդամի (ամուսին, մայր, հայր, քույր կամ եղբայր, երեխա) մահվան պատճառով
Դիմորդը պետք է կենտրոն ներկայացնի ստացիոնար հաստատությունում գտնվելու կամ ընտանիքի անդամի և նրա ազգակցական կապը հաստատող փաստաթուղթ՝ համապատասխան քննական օրվա ավարտից հետո, 3 աշխատանքային օրվա ընթացքում։
Ի՞նչ չի կարելի անել թեստավորման ժամանակ
Դիմորդը չպետք է ծալի պատասխանների թերթիկը, չի կարելի գունավորել շտրիխ կոդը, վնասել այն և այլն: Բացառվում է քննության ընթացքում միմյանց հետ խոսելը կամ քննարկում անելը, չի կարելի օգնել կամ այլ անձից օգնություն ստանալ:
• Օգնություն տրամադրելու/ստանալու կամ խոսելու դեպքում դիմորդը կստանա նախազգուշացում (նկատի ունեցեք, որ կրկնակի զգուշացման դեպքում դիմորդը կհեռացվի քննությունից): Դիմորդը հեռացվում է քննասենյակից առանց նախազգուշացման՝ բառարան, օժանդակ նյութ, օրինակ՝ բջջային հեռախոս, պլանշետ, ժամացույց, հաշվիչ կամ այլ էլեկտրոնային սարք (նույնիսկ եթե էլեկտրոնային սարքն անջատված է) հայտնաբերելու, անկարգություններ անելու, ալկոհոլի, թմրամիջոցների կամ հոգեմետ նյութերի ազդեցության տակ գտնվելու դեպքում:
Եթե քննության ժամանակ ընթացակարգային խախտում լինի, կարո՞ղ է արդյոք դիմորդը բողոքարկել
Այո, դիմորդը կարող է հայց ներկայացնել Գնահատման և քննությունների ազգային կենտրոնի հայցային հանձնաժողովի անունով՝ քննության ավարտից անմիջապես հետո՝ նույն շենքում, որտեղ անցկացվել է քննությունը։ Բողոքող հանձնաժողովի անվամբ ներկայացված դիմումը քննարկվում է 2-օրյա ժամկետում և որոշումը կայացնելուց հետո երկրորդ աշխատանքային օրը ծանուցվում է դիմողին։
Ո՞ր դեպքում չի ստուգվի քննական թերթիկը
Քննական թերթիկը չի ստուգվի այն դեպքում, եթե՝ պատասխանների թերթիկը կամ շտրիխ կոդը վնասված է, դիմորդը քննության ժամկետը լրանալուց հետո չի հանձնում պատասխանների թերթիկը կամ քննաթերթիկի վրա գրվել է անուն, ազգանուն կամ անձը նույնականացնելու հնարավորություն պարունակող ցանկացած այլ տեղեկատվություն կամ ցանկացած տեսակի գրաֆիկական պատկեր, որը կապված չէ թեստային առաջադրանքի հետ:
