Գնահատման և քննությունների ազգային կենտրոնի տնօրեն Սոփիո Գորգոձեն լրատվամիջոցների ներկայացուցիչներին ներկայացրել է այն կանոններն ու ընթացակարգերը, որոնք կգործեն 2023 թվականի քննությունների ժամանակ:
Ինչպես նշել է Գորգոձեն, այս տարի Վրաստանի ողջ տարածքում կբացվեն 24 քննական կենտրոններ, որոնք արդեն լիովին պատրաստ են դիմորդներին ընդունելու համար։
«Կենտրոնները կգործեն Թբիլիսիում, Բաթումում, Զուգդիդիում, Քութայիսիում, Փոթիում, Ախալցիխեում, Գորիում, Օզուրգեթիում, Ռուսթավիում, Թելավիում և Խուլոյում։ Այս տարի առաջին անգամ Ամբրոլաուրիում քննական կենտրոն է բացվում»,- ասել է Գորգոձեն։
2023 թվականի միասնական ազգային քննություններին, ուսանողների դրամաշնորհային մրցույթին, ընդհանուր մագիստրատուրայի քննությանը և ավագ հատուկ ուսուցիչների քննությանը ընդհանուր առմամբ ավելի քան 75,000 դիմորդ է գրանցվել:
