Գիշերը Հայաստանի հանրապետության N զորամասի ինժեներասակրավորային վաշտի կացարանում բռնկված հրդեհի հետեւանքով զոհվել է 15 զինծառայող, 3 զինծառայողի վիճակը ծանր է:
ՀՀ պաշտպանության նախարարությունից հայտնում են, հունվարի 19-ին՝ ժամը 01:30-ի սահմաններում, դեռեւս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՊՆ N զորամասի ինժեներասակրավորային վաշտի կացարանում:
Դեպքի վայրում ծավալվել են հրդեհաշիջման աշխատանքներ։
Ըստ ԱԻՆ տվյալների՝ հրդեհը մեկուսացվել է ժամը 02:58-ին, մարվել՝ 06:33-ին: Այրվել է շինությունը՝ մոտ 104 քմ։
ՊՆ զորամասում հրդեհի հետևանքով այրվածքներ ստացած զինծառայողները տեղափոխվել են Վարդենիսի ԲԿ:
ՀՀ ՊՆ N զորամասում բռնկված հրդեհի կապակցությամբ քրեական վարույթ է նախաձեռնվել, ընթանում է նախաքննություն:
Գեղարքունիքի մարզի Ազատ գյուղի զորամասում տեղի ունեցած հրդեհի կապակցությամբ Հայաստանի նախագահ Վահագն Խաչատուրյանի հրամանագրով Վահրամ Գրիգորյանն ազատվել 2-րդ բանակային կորպուսի հրամանատարի պաշտոնից:
