ԱՄՆ նախագահ Ջո Բայդենը դեմ է արտահայտվել Ռուսաստանը ահաբեկչությունը հովանավորող պետություն ճանաչելուն՝ չնայած այս ուղղությամբ Կոնգրեսի ջանքերին։
Ըստ Reuters-ի՝ Բայդենին լրագրողները հարցրել են, թե արդյոք Ռուսաստանը պետք է ճանաչվի ահաբեկչությունը հովանավորող պետություն, նախագահի պատասխանը կարճ էր՝ «ոչ»։
Ավելի վաղ ամերիկյան Սենատը բանաձև էր ընդունել, որով Պետդեպարտամենտին կոչ էր անում Ռուսաստանը հռչակել ահաբեկչության հովանավոր պետություն, և համապատասխան օրինագիծը ներկայացվել էր Ներկայացուցիչների պալատ։
