Մենք նախատեսում էինք հայտ ներկայացնել 2024 թվականին, և սպասում էինք, որ այնտեղից երկու տարի հետո մեզ թեկնածուի կարգավիճակ կտան, ինչպես դա նախատեսված է ստանդարտ փորձով,- «Իմեդիի» եթերում ասել է «Վրացական երազանքի» նախագահ Իրակլի Կոբախիձեն։
Նրա խոսքով՝ շատ մեծ հավանականություն կա, որ Վրաստանին թեկնածուի կարգավիճակ կտրվի 2023 թվականին։
«Ծրագրով նախատեսված էր 2024 թվականին դիմել և 2026 թվականին ստանալ կարգավիճակ։ Մենք տեսնում ենք, որ դա կարագանա բոլոր դեպքերում։ Մենք արդեն խոսում ենք 2023 թվականի մասին և հույս ունենք, որ հաջորդ տարի կստանանք թեկնածուի կարգավիճակ։ Մենք ոչ մի պատմական շանս չենք կորցրել, և սա շահարկում է։ Եվրամիությունը ճիշտ նույն 12 կետն է սահմանել Մոլդովայի և Ուկրաինայի համար։ Իրականում իրավիճակը բացարձակապես նույնն է, միակ տարբերությունն այն է, որ այս կետերը կատարելուց հետո մեզ թեկնածուի կարգավիճակ կտրվի։ Եթե Ուկրաինան և Մոլդովան չկատարեն այդ կետերը, նրանց կարգավիճակը կարող է վերանայվել։ Սա միակ տարբերությունն է, թեև, ըստ էության, գումարելիների տեղերը փոխելու դեպքն է»,- ասել է Իրակլի Կոբախիձեն։