Այսօր՝ մայիսի 22-ին, Թումանյանի անվան թիվ 1 հանրային դպրոցում հնչեց «Վերջին զանգը»: Շրջանավարտներին բարի երթ մաղթելու էին եկել ուսուցիչներն ու ծնողները:
Միջոցառումը սկսվեց Վրաստանի օրհներգով, ծածանվեց նաև Հայաստանի Հանրապետության դրոշը։
Շրջանավարտներին բարի երթ մաղթեցին դպրոցի տնօրեն Ռուզան Տեփոյանը և ուսմասվար Անահիտ Կարապետյանը։
«Սովորեք ճիշտ ապրել, սիրելի շրջանավարտներ: Կյանքը դպրոց չէ, դժվարություններից չընկճվեք»,- ասաց Ռուզաննա Տեփոյանը։
«Շնորհավորում եմ ձեզ, սիրելի շրջանավարտներ: Դուք մուտք եք գործում մի աշխարհ, որտեղ կան բազմաթիվ փորձություններ և հիասթափություններ, բայց կան նաև շատ երջանիկ պահեր: Բարի երթ ձեզ դեպի նոր կյանք»,- ասաց Անահիտ Կարապետյանը։
Թումանյանի անվան թիվ 1 հանրային դպրոցն այս տարի ունի 53 շրջանավարտ, որոնցից 28-ը դիմորդ են։ Վրաստան է դիմել 18 դիմորդ, Հայաստան՝ 6, իսկ ռուսական բուհեր արդեն ընդունվել են 4-ը։
