Այսօրվանից Վրաստանի կառավարությանն առընթեր համակարգող խորհրդի որոշմամբ դիմակ կրելը պարտադիր կլինի միայն հասարակական տրանսպորտում և բուժհաստատություններում։ Այսինքն՝ դպրոցներում և հասարակական այլ վայրերում պարտադիր չի լինելու։ Կրթության նախարարությունը համակարգող խորհրդի կողմից դեռ նոր առաջարկություններ չի ստացել, սակայն սպասում են, որ այդ առաջարկությունները փոխանցվեն դպրոցներին։
Այսօր Վրաստանի դպրոցներում ուսումնական գործընթացը սկսվել է պարտադիր դիմակ կրելով, սակայն առավոտյան կառավարության համակարգող խորհուրդը նիստի ժամանակ որոշում է կայացրել այսօրվանից կրճատել դիմակ կրելու պարտադիր վայրերի ցանկը՝ ելնելով համաճարակաբանական վիճակից:
Կրթության նախարարության մամուլի ծառայությունից JNEWS-ին հայտնեցին, որ իրենք դեռ նոր հանձնարարականներ չեն ստացել, որոնց վերաբերյալ հնարավոր կլինի դպրոցներում դիմակ չկրել։ Ուստի այսօր դպրոցներում ուսումնական գործընթացն ընթանում է պարտադիր դիմակով, բայց, ամենայն հավանականությամբ, նրանք կստանան և կուղարկեն առաջարկություններ դպրոցներ, որից հետո աշակերտներն ու ուսուցիչները կկարողանան դիմակ չկրել դպրոցում։
