Նինոծմինդայի սպորտդպրոցի մարզադահլիճում անցկացվել է ֆուտզալի առաջնության հուշամրցաշար, նվիրված քաղաքապետարանի աշխատակիցների՝ Ժոռա Սնխչյանի, Հրայր Նազարյանի և Խորեն Թամասյանի հիշատակին։
Առաջնությանը մասնակցել է մունիցիպալիտետի 8 թիմ, որտեղ հաջողությամբ է հանդես եկել քաղաքապետարանի ֆուտզալի հավաքականը։
Քաղաքապետարանի հավաքականն զբաղեցնելով առաջին հորիզոնականը, նվաճել է առաջնության գավաթը:
Երկրորդ տեղը գրավել է «Էներգո–պրո Ջորջիա» ընկերության ֆուտզալի թիմը և պարգևատրվել մեդալով։
Երրորդ տեղը զբաղեցրել է Նինոծմինդայի մունիցիպալիտետի ավագանու թիմը և պարգևատրվել դիպլոմով։
Մրցաշարը կազմակերպել էր քաղաքապետարանի մշակույթի, սպորտի ծառայությունը:
Տեղեկությունը տարածում է Նինոծմինդայի քաղաքապետարանի ֆեյսբուքյան էջը: