Այսօր, Նինոծմինդայի բնակիչներին սկսեց մտահոգել վարորդական իրավունքների հարցը, քանի որ վարորդներ կային, ովքեր տուգանվել են, այն պատճառով, որ վարորդական իրավունքները ձեռք են բերել Հայաստանից:

Նինոծմինդայի երիտասարդները մտահոգված են, այսօր տարածվել է տեղեկություն այն մասին, որ պատժելու են բոլոր նրանց, ովքեր ունեն հայկական վարորդական իրավունքներ:

Ճիշտ է, մենք կարողացանք խոսել կոնկրետ անձի հետ, ով տուգանվել էր 500 լարիով, սակայն վարորդներն ասում են, որ տուգանվածները շատ են:

Նինոծմինդա քաղաքի բնակիչը, ով չցանկացավ տալ իր անունը, ասաց որ այսօր նրան կանգնեցրել է պարեկապահակային ծառայության ոստիկանությունը և ստուգել փաստաթղթերը և վարորդական իրավունքը (վարորդական իրավունքը հայկական էր, իսկ նա Վրաստանի քաղաքացի է) տուգանել է 500 լարիով, պատճառաբանելով, որ վարորդական իրավունքը անվավեր է:

Նինոծմինդայի բնակչությունը մտահոգված է, քանի որ նախկինում հայկական վարորդական իրավունքով մարդիկ վարում էին մեքենան առանց խնդիրների: Երիտասարդ վարորդները բողոքում են անսպասելիությունից:

«Ոչ ոք մեզ չի զգուշացրել, մենք չգիտեինք, որ նման օրենքը ուժի մեջ է: Երեկ, դա պրոբլեմ չէր, իսկ այժմ բոլորին սկսել են տուգանել 500 լարիով, ի՞նչ է սա: Եթե ընդունում են օրենք, ապա պետք է տեղեկացնել հանրությանը: Ոչ մի տեղեկատվություն չի եղել: Պարզաբանելու համար իրավիճակը, մենք դիմեցինք Ներքին գործերի նախարարության մամլո-կենտրոն: Մեզ հայտնեցին, որ այս հարցի վերաբերյալ դեռ ոչինչ չեն ասել, և որ ժամանակ է հարկավոր ճշտելու համար: Մենք փորձեցին ճշտել ինքնուրույն: Արդյունքում, պարզ դարձավ, որ դեռ 2011 թ.-ի դեկտեմբերի 28-ին կար Ներքին գործերի նախարարի հրամանը (№1072), որը մտցնում է որոշ փոփոխություններ նախկինում արձակված հրամանի մեջ, համաձայն որի որոշվում է վարորդական իրավունքի տրման կարգը: Այնպես, որ նվազագույնը 2011 թ.-ից, կար 29-րդ հոդվածի կետ 1-ը «Վրաստանի քաղաքացիների կողմից օտար երկրում ձեռք բերված վարորդական իրավունքի փոփոխության կարգը և ժամկետները»:

Ըստ սույն կետի, Վրաստանի քաղաքացին իրավունք ունի օգտվելու վարորդական իրավունքից, ձեռք բերված այլ երկրում միայն մեկ տարի, և տարվա ավարտին պետք է փոխի այն:

Ստացվում է, որ այսօրվա տուգանքները շատ հնարավոր է գրված են այդ դրույթների հիման վրա, բայց հետաքրքիր է, որ 6 տարի գոյություն ունեցող օրենքներն ու կարգուկանոններըը սկսել են կտրուկ գործել հենց այսօր:

Հայկական վարորդական իրավունքներով Նինոծմինդայի վարորդները երկար ժամանակ է երթևեկում են, բայց նրանց սկսել են տուգանել միայն այսօր: Ինչպես նաև ոչ ոք չի տեղեկացնում հանրությանն այն մասին, որ վարորդական իրավունքները, ըստ նույն օրենքի և նույն կետի, որոնք ստացվել են այլ երկրում կարելի է փոխել վրացականի, առանց քննությունների, մինչև փոխվող վարորդական իրավունքի ժամկետների լրանալը: Դրա համար, պետք է անձը ունենա Վրաստանի քաղաքացիությունը հաստատող որևէ փաստաթուղթ, այլ երկրի կողմից ստացված վարորդական իրավունքը հաստատող փաստաթուղթ, բժշկական վկայական և նոր վարորդական իրավունքի վճարման չեկը (ընդհամենը 15 լարի): Վարորդական իրավունքի փոխման մասին կարող եք կարդալ այստեղ: